«SB» pachvaliłasia, što skakun Niedasiekaŭ kupiŭ naviutkuju BMV, «jakoj zajzdrościć Cimanoŭskaja». Kolki kaštuje takoje aŭto?
«Sovietskaja Biełoruśsija» vypuściła artykuł pra Maksima Niedasiekava, jaki atrymaŭ na alimpijadzie bronzu ŭ skačkach u vyšyniu. U tekście ŭpiknuli Cimanoŭskuju i raskazali pra novuju mašynu spartoŭca. «My z Maksimam atrymlivajem asałodu ad ciopłaj vosieni ŭ rodnaj Biełarusi, z akna jaho novaha aŭto hladzim, jak, kružačysia, padaje na ziamlu i bliskučy kapot załatoje liście. Heta zaŭsiody pryjemna, kali praca čałavieka aceńvajecca hodna. Voś i spartyŭnyja pośpiechi Niedasiekava dazvolili jamu atrymać asałodu ad kupli naviutkaha vytančanaha BMW. Vielmi niatannaha. I nie ŭ kredyt. Heta da pytańnia ab tym, jak biełaruskaja dziaržava kłapocicca pra svaich hierojaŭ. Ujaŭlaju, jak raździraje ad zajzdraści Cimanoŭskuju!» — piša spartovy ahladalnik Kanašyc. Dyk što tam za mašyna?
Fotazdymkam častki aŭto padzialiŭsia sam Niedasiekaŭ u svaim Instahramie. Vyhladaje, što jon staŭ ułaśnikam BMV madeli «M4 Competition».
Kali Niedasiekaŭ sapraŭdy kupiŭ novaje aŭto z sałona, to addaŭ jon niamała.
U zaležnaści ad kamplektacyi, takaja mašyna kaštuje ad 100 da 120 tysiač dalaraŭ.
«Heta zadnie- abo paŭnapryvadnaje kupe premijalnaha kłasa (D-niša pa jeŭrapiejskaj kłasifikacyi). Sam aŭtamabilny vytvorca śćviardžaje, što mašyna ŭvabrała ŭ siabie «hieny spartyŭnaj, paŭsiadzionnaj mašyny, i ŭsio heta jašče i ŭ vielmi emacyjnaj ahulnaj kancepcyi».
Pieršapačatkova bavarcy aryjentujucca na zabiaśpiečanych ludziej, jakija viaduć aktyŭny ład žyćcia i jakija vielmi ceniać «jezdavyja» charaktarystyki transpartnaha srodku.
Miarkujučy sa słoŭ pradstaŭnikoŭ kampanii, ich aŭtamabil vydatkoŭvaje na zavajavańnie pieršaj sotni 3.8 siek, a maksimalnaja chutkaść składaje 250 kiłamietraŭ za hadzinu (elektronnaje abmiežavańnie).
Adnak pry ŭstaloŭcy śpiecyjalnaha pakieta M Driver's Package «maksimałka» vyrastaje da 290 kiłamietraŭ u hadzinu», — pišuć u ahladzie aŭtamabila.
Maksimu Niedasiekavu 23 hady. Jon viadomy nie tolki spartovymi dasiahnieńniami, ale i aktyŭnaj padtrymkaj Łukašenki: udzielničaŭ u jaho «tajemnaj inaŭhuracyi», taksama ŭ navahodnim zvarocie. Padpisvaŭ razam z baćkami praŭładny list spartoŭcaŭ.
Na Alimpijadzie ŭ Tokia Niedasiekaŭ atrymaŭ bronzu. Darečy, pryzavyja za miedal aficyjna skłali 46 tysiač dalaraŭ — u dva razy mienš, čym kaštuje novaja mašyna atleta.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary