U Bierlinie zahinuŭ supracoŭnik pasolstva Rasii. Jon vypaŭ z akna dypmisii
Rasijski dypłamat byŭ znojdzieny miortvym pad voknami ambasady RF u Bierlin. Incydent adbyŭsia jašče 19 kastryčnika. Jak miarkujecca, dypłamat vypaŭ z akna adnaho ź vierchnich pavierchaŭ pasolstva. Abstaviny jaho padzieńnia nieviadomyja, cieła zahinułaha było repatryjavana na nastupny dzień.
Zahinułamu było 35 hadoŭ, i jon byŭ akredytavany ź leta 2019 hoda jak druhi sakratar pasolstva. Niamieckaja raźviedka, piša Der Spiegel, ličyła jaho supracoŭnikam FSB, jaki pracavaŭ pad dypłamatyčnym prykryćciom, piša meduza.io.
U publikacyi Der Spiegel imia zahinułaha nie pryvodzicca, adnak The Insider i Bellingcat, vyvučyŭšy adkrytyja krynicy, pryjšli da vysnovy, što jaho zvali Kirył Žało. Jon syn načalnika Upraŭleńnia pa abaronie kanstytucyjnaha ładu FSB hienierał-lejtenanta Alaksieja Žało.
U pasolstvie RF i MZS Hiermanii paćvierdzili fakt hibieli dypłamata, admoviŭšysia davać jakija-niebudź padrabiaznaści.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary