«Adčyniła dźviery — i ŭ jaje strelili». Što jašče viadoma pra trahiedyju ŭ Sierabrancy?
Učora ŭviečary ŭ Minsku z akna vypaŭ mužčyna, a ŭ jaho kvatery znajšli cieła žančyny z ahniastrelnym ranieńniem. Plamieńnik zahinułaj, znajomy z abstavinami zdareńnia, raspavioŭ błohu «Otražienije» padrabiaznaści.
— Patelefanavali ŭ dźviery, ciotka adkryła — i ŭ jaje strelili dva razy. U kvatery byŭ jaje muž, jon heta pačuŭ i staŭ uciakać, vyskačyŭ u akno. Kali jaho zabirała chutkaja, jon raspavioŭ, što hety čałaviek (strałok) byŭ ci ŭ milicejskaj, ci ŭ vajskovaj formie.
Chłopiec ličyć, što ŭ milicyi nie było padstaŭ prychodzić da siamji, a formu toj moh dzieści kupić abo znajści.
— Usio adbyłosia ŭ rajonie 17-18 viečara, i ŭ vajbiery ciotka ź jaje mužam apošni raz byli dastupnyja prykładna ŭ hety čas. Kazali, chtości bačyŭ, jak paśla ŭsiaho strałok skoknuŭ u mašynu i źjechaŭ.
Pavodle infarmacyi blizkich zahinułaj, dniom 9 listapada jon jašče nie byŭ znojdzieny.
Zahinułaj žančynie było 33 hady, jaje mužu — 36 hadoŭ. U pary jość dačka daškolnaha ŭzrostu, u momant zdareńnia jana znachodziłasia ŭ svajakoŭ.
— Zvyčajnaja siamja. Ciotka zavočna vučyłasia na łahista i pracavała na adnym ź minskich zavodaŭ, jaje muž, nakolki ja pamiataju, raniej pracavaŭ u taksi, a apošni čas — u sietcy piceryj.
Pa słovach maładoha čałavieka, u muža zahinułaj surjoznyja traŭmy paśla padzieńnia z akna: «Jak mnie skazali, vielmi mocna pałamany čałaviek». Pa infarmacyi Śledčaha kamiteta, jon znachodzicca ŭ špitali ŭ ciažkim stanie.
Što viadoma pra dziŭnuju historyju ŭ Sierabrancy? Śviedka: «Pačulisia kryki «Zabivajuć!»
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary