U Kazachstanie ŭ vyniku masavych biesparadkaŭ zatrymali 7939 čałaviek. U pryvatnaści, 207 čałaviek byli zatrymanyja na dvuch rynkach u Ałmaty.
Akramia taho, palicejskija kanfiskavali piać skradzienych aŭtamabilaŭ, dźvie adzinki chałodnaj zbroi i čatyry ahniastrelnaj, a taksama vykradzienyja materyjalnyja kaštoŭnaści, pieradaje Tengrinews sa spasyłkaj na apieratyŭny štab Ministerstva ŭnutranych spraŭ Respubliki.
Napiaredadni, 9 studzienia, pres-słužba prezidenta Kasym-Žamarta Takajeva pa vynikach pasiadžeńnia apieratyŭnaha štaba paviedamiła ab zatrymańni 5,8 tys. čałaviek, jakija majuć dačynieńnie da ŭdziełu ŭ biesparadkach. Akramia taho, było zaviedziena 125 kryminalnych spraŭ.
U paviedamleńni pres-słužby adznačałasia, što siarod zatrymanych — «značnaja kolkaść zamiežnikaŭ». Siłavyja słužby krainy skancentravanyja na pošuku i zatrymańni «terarystaŭ», zbory dokaznaj bazy i praviadzieńni ekśpiertyz, udakładnili ŭłady.
Razam z tym dziaržsakratar Kazachstana Jerłan Karyn raskazaŭ: čym zajmajucca siły ADKB u krainie, pra dapamohu jakich prasiŭ kiraŭnik krainy.
«Siły ADKB buduć zadziejničanyja nie va ŭsich rehijonach. Jany buduć łakalna zabiaśpiečvać achovu žyćciova važnych abjektaŭ. Heta abhruntavanaja miera», — napisaŭ Karyn u Telehramie.
Karyn padkreśliŭ, što misija ADKB źjaŭlajecca miratvorčaj. Jana raźličanaja na niepraciahły čas, i paśla stabilizacyi situacyi kantynhient ADKB budzie vyviedzieny z Kazachstana, dadaŭ dziaržsakratar.
Pavodle jaho słoŭ, pierakidka sił miratvorčaj misii dazvoliła «vyzvalić nieabchodnyja resursy» i ściahnuć śpiecpadraździaleńni dla kontrterarystyčnaj apieracyi ŭ Ałmaty.
Były ministr kultury Rusłan Čarniecki znajšoŭ sabie padpracoŭku9
Kamientary