Kali ŭ Minsku buduć vyvozić na ŭtylizacyju naturalnyja jalinki?
Pieršyja rejsy śmiećciavozaŭ pa jołki buduć ažyćciaŭlacca ŭ žyłyja kvartały Zavodskaha, Leninskaha, Partyzanskaha, Pieršamajskaha, Savieckaha i Centralnaha rajonaŭ stalicy užo ŭ hetuju subotu — 15 studzienia, a taksama 19 i 22 studzienia.
Pra heta pišuć «Minsk-Naviny» sa spasyłkaj na KUP «Śpieckamunaŭtatrans».
Drevy prosiać vynieści na kantejniernyja placoŭki i placoŭki dla bujnahabarytnaha śmiećcia zahadzia. Pakinuć ich taksama možna kala śmiećciepryjomnych kamier žyłych damoŭ.
Dla žycharoŭ Kastryčnickaha, Maskoŭskaha i Frunzienskaha rajonaŭ, jakich absłuhoŭvaje kampanija «Remondzis», raspracavanyja svaje hrafiki.
Pieravozčyk pryjedzie pa navahodnija drevy 23 i 30 studzienia.
Drevy pavinny być bieź mišury i ŭpryhožvańniaŭ, ich nie varta źviazvać viaroŭkami ci abmotvać skotčam, a taksama zavaročvać u pakiety ci plonku.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB57
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary