Try tydni tamu pradprymalnik Mikałaj Aŭtuchovič, jakoha trymajuć na Vaładarcy, spyniŭ haładoŭku praciahłaściu 91 dzień. Jak pačuvajecca viazień?
«Jon pačuvajecca lepš, ale prablemy sa zdaroŭjem zastajucca», — hetymi słovami sustreła mianie Ała Michiejeva, zahadčyca medyčnaj častki mienskaha śledčaha izalatara.Štotydzień pa sieradach Ała Michiejeva ładzić pryjomy dla svajakoŭ viaźniaŭ i adkazvaje na pytańni pra ich samaadčuvańnie. Ała Michiejeva paviedamiła, što raniej za mianie da jaje prychodzili siastra Aŭtuchoviča ź plamieńnicaj, pieradali viaźniu vitaminy, i lekarka ŭsio im raspaviała pra toje, jak Aŭtuchovič vychodzić z haładoŭki.
«Ja raspaviała, što jon usio ž jašče słaby, jeści turemnuju ježu hetak i nie pačaŭ, pakul padsiłkoŭvajecca kaškami z sadaviny.
Kali za pazaminuły tydzień jon nabraŭ 3 kilahramy, to za hety — ničoha. Niadaŭna źjeŭ dva banany, i jamu stała błaha, tamu da zvyčajnaj ježy jašče daloka. I my dahetul trymajem jaho ŭ medyčnaj častcy, pra pieravod u zvyčajnuju kameru havorki ŭžo niama. Jamu jašče ciažka»,— padsumavała lekarka «Vaładarki».
Pra nastroj Mikałaja Aŭtuchoviča Ała Michiejeva skazała: «Jon trymajecca, a što ŭ jaho na dušy — nie pakazvaje. Zrazumieła, što nastroj zaležyć ad śledčych, ale pra heta ja raspaviadać nie mahu».
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary