Z paniadziełka bolš nie treba izalavacca pa prybyćci ŭ Litvu ź luboj krainy — da hetaha izalacyja jašče była patrebnaja asobam z trecich krain (u tym liku Biełarusi), nie pryščeplenym ad COVID-19 i jakija nie pieranieśli heta zachvorvańnie.
Pakolki z paniadziełka usie krainy śvietu apynucca ŭ žoŭtaj zonie, to čałaviek, jaki pryjechaŭ ź luboj krainy, pavinien budzie zapoŭnić ankietu ab prybyćci i pakazać dakumient, jaki paćviardžaje adzin z troch faktaŭ:
vakcynacyju ad COVID-19, pieraniesienaje zachvorvańnie abo atrymany pierad pajezdkaj admoŭny vynik testu na COVID-19, piša Delfi.lt.
Kali čałaviek nie adpaviadaje pryviedzienym kryteryjam, jon pavinien za troje sutak da prybyćcia ŭ Litvu zrabić PŁR-test abo za dvoje sutak — antyhienny test i pakazać admoŭny vynik pieravozčyku pierad pasadkaj na samalot, aŭtobus, parom abo inšy transpartny srodak.
Tyja, chto padarožničaje ułasnym transpartam, mohuć pryvieźci z saboj admoŭny vynik testu abo zrabić test pa prybyćci ŭ Litvu — u takim vypadku jany pavinny na praciahu sutak zarehistravacca na test i zrabić jaho za svoj košt.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary