Turystka z Rasii była zatrymanaja ŭ paryžskim muziei Łuŭr, paśla taho, jak špurnuła u karcinu «Mona Liza» pusty kubak. Pra heta siońnia paviedamiła hazieta «Ła Paryźjen». U haziecie dadajecca, što karcinie «nie pryčyniena nijakaj škody». Ščaście, što praca Leanarda Da Vinčy znachodzicca ŭ hiermietyčnaj kulenieprabiŭnaj skryni.
Paśla bluźnierskaha ŭčynku achoŭniki muzieju pieradali škodnicu ŭ ruki paryžskaje palicyi. Jak paviedamlajecca, ciapier francuzkija psichijatry praviarajuć žančynu: ci nie maje jana tak zvany «sindrom Stendala», psichičny razład, na jaki pakutujuć całkam zdarovyja ludzi, kali ŭ stanie imhniennaha zamaračeńnia sprabujuć paškodzić tvory mastactva.
Rasijka nie pieršaja, chto atakuje viadomuju karcinu. U 1956 hodzie miascovy vandał vyliŭ na karcinu kisłatu, a praz kolki miesiacaŭ u Džakondu vieniesuelec špurnuŭ kamień i paškodziŭ miesca, dzie ŭ namalavanaj žančyny znachodzicca levaja ruka.
Kamientary