Mabyć, takich cudaŭ «hałasavańnia» nie bačyła nie toje što historyja Biełarusi, ale i ŭsiaho jeŭrapiejskaha kantynienta, piša ŭ siabie ŭ Fejsbuku palityčny analityk Andrej Jelisiejeŭ.
Całkam zasakrečany skład učastkovych vybarčych kamisij.
Što i jak prapisana ŭ adpaviednych rašeńniach vykankamaŭ, ci jość hetyja dakumientalnyja rašeńni naohuł — dakładna nie viadoma. Hramadskaść i biełaruski narod jak suvieren heta pravieryć nie moža.
Hałosnaść jak klučavy pryncyp padrychtoŭki i praviadzieńnia vybaraŭ adsutničaje. Adna tolki hetaja akaličnaść abnulaje lehitymnaść referendumu.
Admiena štorak na kabinkach dla hałasavańnia z cyničnaj spasyłkaj na karanavirusnuju epidemiju. Heta pry tym, što ab najaŭnaści antysieptykaŭ i abaviazkovaści našeńnia masak u tym ža dakumiencie — ni słova.
Navat samamu naiŭnamu čałavieku zrazumieła, što sapraŭdnaja padstava — nie ŭ kłopacie pra zdaroŭje, a ŭ nahladzie za vybarščykami, kab tyja ni ŭ jakim razie nie zrabili fotazdymak biuletenia i tym samym nie padyhrali stratehii demakratyčnych sił.
Pry hetym skład nahladčykaŭ na ŭčastkach dla hałasavańnia raście z kožnym dniom. Na hety momant viadoma, što jon budzie ŭklučać u siabie nastupnyja hrupy asob:
- ułasna, členy vybarkamaŭ i staranna adabranyja praŭładnyja naziralniki,
- supracoŭniki pravaachoŭnych orhanaŭ,
- «narodnyja družyńniki»,
- «moładzievyja atrady achovy pravaparadku» pry BRSM,
- 5 tysiač supracoŭnikaŭ Ministerstva pa nadzvyčajnych situacyjach — z MNS užo zrabili jašče adno siłavoje i kantralujučaje viedamstva,
- «mabilnyja atrady vieteranaŭ śpiecnaza».
Mahčyma, u bližejšyja dni źjaviacca jašče jakija-niebudź «latučyja atrady prafsajuznych aktyvistaŭ» — tut kreatyvu nie brakuje.
Usie hetyja kantralory niesumnienna atrymali detalovyja instrukcyi ni siekundy nie spuskać pilnaha voka z čałavieka ź biuleteniem u rukach. I kali raptam kamuści ź ich padasca, što vybarščyk choča skarystacca mabilnym telefonam albo čamuści zatrymajecca ŭ kabincy dla hałasavańnia na paru siekund bolš «patrebnaha», to možna mierkavać, što heta vykliča jak minimum «pravierku» telefona, a to i paciahnie administracyjnuju spravu.
Pryčym takija vypadki mohuć pakazalna prapijaryć jašče padčas daterminovaha hałasavańnia, kab inšym niepanadna było. Sam maštab «daterminoŭki» na hety raz moža stać rekordnym. Nie vyklučanaja situacyja, pry jakoj refierendum «adbudziecca» (heta značyć, paznačać jaŭku ŭ 50%) jašče da asnoŭnaha dnia hałasavańnia.
Čytajcie taksama:
Karpienka patłumačyŭ, čamu nie apublikavali proźviščy členaŭ kamisij. Jość novyja šmatabiacalnyja viersii
Pajšoŭ rehistravacca naziralnikam na refierendumie i… źnik
«Mabilnyja hrupy» z byłych śpiecnazaŭcaŭ na čas refierendumu farmuje pałkoŭnik Paŭličenka. Heta ideja Karpiankova
Jak źviazanaje raźniavoleńnie aficyjnaj kavidnaj statystyki z refierendumam pa Kanstytucyi?
«Patrebnaja charaktarystyka». Čytačka vyśvietliła, jak stać družyńnikam ci vystupić na kancercie da refierendumu
Padčas refierendumu hramadski paradak na ŭčastkach buduć padtrymlivać «družyńniki»
-
Nasta Rahatko raskazała pra «tupyja ŭstanoŭki», ad jakich joj pryjšłosia admovicca pry prodažy svajoj knihi
-
«Ździełka zhareła». Aŭtar knihi «Aŭtarytaryzm pad pahrozaj» pieraličyŭ padstavy dla aptymizmu nakont budučyni Biełarusi
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu23
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary