U centry Minska maje adčynicca «Halereja sučasnaha mastactva «Ŭ»».
U centry Minska maje adčynicca «Halereja sučasnaha mastactva «Ŭ»». Eks-dyrektarka kultavaha sutareńnia «Padziemka» Valancina Kisialova pačynaje novy prajekt i adkryvaje centr mastactvaŭ — chutčej kulturny, čym kamiercyjny: u novaj halerei akramia vystavaŭ i prezientacyjaŭ buduć prachodzić majstar-kłasy i sieminary, pryśviečanyja sučasnamu biełaruskamu, zachodnie- i ŭschodniejeŭrapiejskamu mastactvu. U halerei «Ŭ» užo adviali i handlovyja płoščy, dzie mastaki i dyzajniery zmohuć vystaŭlać i pradavać svaje pracy. Zapracuje taksama nievialikaja kniharnia, jakoj apiakujecca vydaviectva «Łohvinaŭ»: tut buduć pradavacca knihi sučasnych biełaruskich aŭtaraŭ, a taksama knihi pa mastactva i dyzajnie.
«Usie viedajuć našu biełaruskuju prablemu —adsutnaść placoŭki dla sustrečaŭ tvorcaŭ, prablemu hodnaha pradstaŭleńnia mienavita sučasnaha mastactva, - kaža Hanna Čystasierdava, kuratarka prajektu. — I mienavita tamu my pačynajem farmavańnie art-prastory, stvarajem miesca, dzie buduć sustrakacca mastaki, mastactvaznaŭcy i šerahovyja amatary pryhožaha. My navat źbirajemsia adčynić kaviarniu, kab pryŭnieści raźniavolenuju, kłubnuju atmaśfieru, bo heta całkam nieabchodnaja ŭmova dla dyjałohu ŭ hetym asiarodku».
Aprača halereja Ŭ maje aśvietnickuju metu. U halerei buduć adbyvacca lekcyi pa mastactvie: na pieršym časie ich buduć čytać mastactvaznaŭcy z univiersiteta EHU, potym – miarkujuć zaprašać taksama lektary ź Jeŭropy, Ukrainy i Rasii.
Na pytańnie «Čamu ž U nieskładovaje?» Čystasierdava adkazvaje: «Pakolki my majem zajmacca najpierš ajčynnym mastacvam, dyk i nazvu pasoŭnuju prydumali. A jašče my imkniemsia da taho, kab naš budučy piersanał razmaŭlaŭ pa-biełarusku».
Pakul iniciatary prajekty zaniatyja pošukam supracoŭnikaŭ i najpierš kampańjonaŭ — patrebnyja surjoznyja inviestycyi. Dakładnaje miesca budučaj halerei pakul nie abviaščajecca, ale viadoma što jana budzie ŭ samym centry stalicy — niedalok ad stancyi mietro «Płošča Pieramohi». Adkryćcio halerei namiečanaje na pačatak kastryčnika z prezientacyi vystavy mastaka Siarhieja Kiruščanki.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary