У цэнтры Мінска мае адчыніцца «Галерэя сучаснага мастацтва «Ў»».
У цэнтры Мінска мае адчыніцца «Галерэя сучаснага мастацтва «Ў»». Экс-дырэктарка культавага сутарэння «Падземка» Валянціна Кісялёва пачынае новы праект і адкрывае цэнтр мастацтваў — хутчэй культурны, чым камерцыйны: у новай галерэі акрамя выставаў і прэзентацыяў будуць праходзіць майстар-класы і семінары, прысвечаныя сучаснаму беларускаму, заходне- і ўсходнееўрапейскаму мастацтву. У галерэі «Ў» ужо адвялі і гандлёвыя плошчы, дзе мастакі і дызайнеры змогуць выстаўляць і прадаваць свае працы. Запрацуе таксама невялікая кнігарня, якой апякуецца выдавецтва «Логвінаў»: тут будуць прадавацца кнігі сучасных беларускіх аўтараў, а таксама кнігі па мастацтва і дызайне.
«Усе ведаюць нашу беларускую праблему —адсутнасць пляцоўкі для сустрэчаў творцаў, праблему годнага прадстаўлення менавіта сучаснага мастацтва, - кажа Ганна Чыстасердава, куратарка праекту. — І менавіта таму мы пачынаем фармаванне арт-прасторы, ствараем месца, дзе будуць сустракацца мастакі, мастацтвазнаўцы і шэраговыя аматары прыгожага. Мы нават збіраемся адчыніць кавярню, каб прыўнесці разняволеную, клубную атмасферу, бо гэта цалкам неабходная ўмова для дыялогу ў гэтым асяродку».
Апрача галерэя Ў мае асветніцкую мэту. У галерэі будуць адбывацца лекцыі па мастацтве: на першым часе іх будуць чытаць мастацтвазнаўцы з універсітэта ЕГУ, потым – мяркуюць запрашаць таксама лектары з Еўропы, Украіны і Расіі.
На пытанне «Чаму ж У нескладовае?» Чыстасердава адказвае: «Паколькі мы маем займацца найперш айчынным мастацвам, дык і назву пасоўную прыдумалі. А яшчэ мы імкнемся да таго, каб наш будучы персанал размаўляў па-беларуску».
Пакуль ініцятары праекты занятыя пошукам супрацоўнікаў і найперш кампаньёнаў — патрэбныя сур'ёзныя інвестыцыі. Дакладнае месца будучай галерэі пакуль не абвяшчаецца, але вядома што яна будзе ў самым цэнтры сталіцы — недалёк ад станцыі метро «Плошча Перамогі». Адкрыццё галерэі намечанае на пачатак кастрычніка з прэзентацыі выставы мастака Сяргея Кірушчанкі.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары