Атракцыён «Вежа свабоднага падзення», які гучна чмыхнуў падчас працы, адправілі на рамонт
У «Атракцыён груп» растлумачылі, што адбылося ў Парку Чалюскінцаў.
Падчас таго, як у машыне знаходзіліся пасажыры і кузаў спускаўся, адбылося нечакана-гучнае «шпок»: пайшоў дым, а аператар кінуўся спыняць машыну.
У «Атракцыён груп» растлумачылі, што адбылося, піша «Мінск. Галоўнае».
Выціснулася гумовая ўшчыльняльная пракладка, у выніку чаго разгерметызавалася гідраўлічная магістраль.
Атракцыён спынілі, наведвальнікаў высадзілі. Рызыкі для жыцця і бяспекі людзей не было.
Цяпер спецыялісты заканчваюць рамонт. Пасля налады і выпрабаванняў атракцыён зноў пачне працу.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны44
Каментары