Jak pastavilisia da zajavaŭ Siarhieja Haŭrylina hieroi jahonych dziońnikavych zapisaŭ? Adkazvajuć homielskija demakratyčnyja aktyvisty.
Jak pastavilisia da zajavaŭ Siarhieja Haŭrylina hieroi jahonych dziońnikavych zapisaŭ? Ci ličać jany heta ščyrym pryznańniem maładziona, ci złamysnaj inśpiracyjaj z boku śpiecsłužbaŭ? Adkazvajuć homielskija demakratyčnyja aktyvisty.
Uładzimir Kacora, Abjadnanaja hramadzianskaja partyja: «Ničoha novaha svaim dziońnikam Haŭrylin nie skazaŭ. Usio heta daŭno było daŭno panapisana na sajtach, jakija jon cytuje. Nie vyklučaju, što heta mahło być zroblena z metaj razładu ŭnutry homielskaj apazicyi. Pačytajcie, maŭlaŭ, i Kacora, i Palakoŭ niejkaje dačynieńnie da KDB majuć. Toje, što homielski KDB samy admarožany, viadoma ŭsim».
Uładzimir Siakierka, Partyja kamunistaŭ: «Ja jaho ŭžo dobra nie pamiataju. Pryjšoŭ da nas pierad vybarami. Podpisy źbiraŭ, naziraŭ. Byli niejkija padazreńni. Takich, jak jon, šmat było».
Andruś Cianiuta, «Małady front»: «Cichi, spakojny chłopiec. U adkrytaje supraćstajańnie jon nikoli nie ŭviazvaŭsia, ale razdavaŭ ulotki, niešta jašče rabiŭ. Byŭ takim adzinočkam. Zrešty, nikoli nie bačyŭ, kab jaho zatrymlivali. Tym nie mienš, navina mianie šakavała».
Źmicier Žaleźničenka, Partyja BNF: «Mnie zdajecca, što jon pra ŭsio piša ščyra. Jamu prosta ŭsio heta nadakučyła. Mahčyma, jon mieŭ i niejkija inšyja mety. Naprykład, atrymać palityčny prytułak».
Siarhiej Siamionaŭ, «Hart»: «Kožny čałaviek maje prava na pamyłku. I da honaru niekatoryja ŭśviedamlajuć svaje pamyłki».
Andrej Tołčyn, AHP: «Jany zakidvajuć hety dziońnik z metaj pierasvaryć našu demakratyčnuju supolnaść. Heta vielmi nahadvaje vypadak ź Michajłavym. Ich vykarystoŭvajuć i vykidvajuć. Nie baču tut ničoha nadzvyčajnaha».
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary