Za minułyja vychodnyja byli zafiksavanyja adrazu dva fakty napadaŭ na viaskovyja kramy.
Za minułyja vychodnyja byli zafiksavanyja adrazu dva fakty napadaŭ na viaskovyja kramy.
Tak, u subotu ŭ Pružanski RAUS patelefanavała pradavačka kramy «Kołas» ŭ vioscy Šani Pružanskaha rajona (Bresckaja vobłaść) i paviedamiła, što ŭ handlovuju zalu zajšoŭ nieviadomy i, pahražajučy pistaletam, zabraŭ vyručku na sumu 1,7 młn. rub. Rabaŭnik taksama zabraŭ 100 tys. u adnaho z pakupnikoŭ. Prychapiŭšy plašku harełki, złačynca źbieh.
U vyniku praviadzieńnia apieratyŭna‑pošukavych mierapryjemstvaŭ było ŭstanoŭlena, što razboj ździejśniŭ 25‑hadovy pradprymalnik z Bresta, jaki na praciahu sutak byŭ zatrymany.
Jak akazałasia, małady čałaviek byŭ vinien kali dźviuch tysiačaŭ dalaraŭ, i kab vyrašyć finansavyja pytańni, nakiravaŭsia da baćkoŭ. Tyja nie zmahli jamu dapamahčy. Tady, prajazdžajučy la kramy, jon prydumaŭ inšy płan dzie dastać hrošy. Uzbroiŭšysia pistaletam‑zapalničkaj, jon nakiravaŭsia ŭ sielpo.
Jak paviedamlaje pres‑słužba MUS, padobny vypadak zdaryŭsia i ŭ vioscy Zasiekli ŭ Aršanskim rajonie (Viciebskaja vobłaść).
Schavaŭšy tvary pad kapronavymi pančochami čornaha koleru, dvoje złačyncaŭ uvarvalisia ŭ kramu i stali patrabavać hrošy ŭ kasira. Jany taksama pahražali cacačnym pistaletam. Nie razhubiŭšysia, pradavačka pačała składać u pakiet usio, što joj trapiłasia pad ruku. U vyniku złačyncy, ničoha nie padazrajučy, vyjšli z kramy z tavaram na sumu ŭsiaho tolki 15 tysiač rubloŭ.
Adnym z nalotčykaŭ akazaŭsia 18‑hadovy žychar Smalavičaŭ, paźniej byli zatrymanyja i saŭdzielniki złačynstva.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy7
Kamientary