Płanka pa tempach rostu inviestycyj na ŭzroŭni 125% pa vynikach hoda zanadta vysokaja i moža pryvieści da nieefiektyŭnaha vykarystańnia srodkaŭ.
Płanka pa tempach rostu inviestycyj na ŭzroŭni 125% pa vynikach hoda zanadta vysokaja i moža pryvieści da nieefiektyŭnaha vykarystańnia srodkaŭ.
Ab hetym zajaviŭ pieršy namieśnik ministra ekanomiki Piotr Žabko 18 žniŭnia na pasiadžeńni prezidyuma Savieta ministraŭ u Minsku.
Pavodle jaho słoŭ, možna patrabavać vykanańnie ŭstanoŭlenaha pakazčyka pa pryroście inviestycyj u 125%, «ale zychodziačy z krynic, jakija jość, heta vialikaja płanka, i heta moža pasłužyć šturškom da nieefiektyŭnaha vykarystańnia srodkaŭ».
U suviazi z hetym pieršy namieśnik ministra ekanomiki ličyć nieabchodnym
«ustanavić rašeńniem prezidyuma Savieta ministraŭ pad piersanalnuju adkaznaść orhanam dziaržkiravańnia minimalnyja zadańni, vykanańnie jakich dazvolić u kaniečnym vyniku vyjści na 117—118%». Na dumku Žabko, heta razumny pakazčyk, jaki možna vykanać.
Pieršy namieśnik ministra taksama prapanavaŭ ustanavić minimalny paroh pa tempach rostu inviestycyj u asnoŭny kapitał, u pryvatnaści dla Minprama i Minenierha na ŭzroŭni 105% da ŭzroŭniu 2008 hoda, dla Mintransa, Minsuviazi, Minhandlu — 123%, kancerna «Biełnaftachim» — 120%, Minsielhascharču, kancernaŭ «Biellespapierapram» i «Biełbijafarm» — 100%.
Žabko adznačyŭ, što na praciahu apošnich troch miesiacaŭ temp rostu inviestycyj utrymlivajecca ŭ miežach 117—118%.
Pavodle jaho słoŭ, analiz struktury inviestycyj pakazvaje, što zadańnie pa ich pryciahnieńni z apieradžeńniem vykonvajuć arhanizacyi, padnačalenyja miascovym savietam i vykankamam: temp rostu inviestycyj skłaŭ 129%. Amal udvaja mienš zabiaśpiečyli temp rostu respublikanskija orhany dziaržkiravańnia — 113,5%.
Razam z tym, zajaviŭ pradstaŭnik Minekanomiki, hałoŭny tormaz rostu inviestycyj — arhanizacyi, jakija nie majuć viedamasnaj padnačalenaści, jany zabiaśpiečyli pryrost inviestycyj usiaho na 3,8%. U pryvatnaści, jak paviedamiŭ Žabko, za pieršaje paŭhodździe tolki ŭ arhanizacyjach pryvatnaj formy ŭłasnaści ŭ Bresckaj vobłaści temp rostu inviestycyj skłaŭ 130,6% (pry zadańni 125%).
«Astatnimi rehijonami zadańni nie vykanany, i tempy adstavańnia takija, što jany nie buduć vykanany pa vynikach hoda», — padkreśliŭ Žabko. U pryvatnaści, pa Homielskim abłvykankamie adstavańnie składaje 33,6 pracentnaha punkta, pa Minskim harvykankamie — 48,4.
Pradstaŭnik Minekanomiki taksama paviedamiŭ, što ŭ pieršym paŭhodździ orhanami dziaržkiravańnia ažyćcioŭleny 681 inviestycyjny prajekt. Padčas realizacyi hetych inviestprajektaŭ było asvojena 47,2% zapłanavanaha hadavoha abjomu srodkaŭ. Razam z tym u pieršym paŭhodździ nie asvojvalisia srodki pa 110 prajektach, u tym liku pa 10 prajektach, uklučanych u pieralik najvažniejšych, na jakich płanavałasia asvoić 800 młrd. rubloŭ.
«Heta adzin z reziervaŭ, kab padciahnuć temp rostu inviestycyj u hetym hodzie», — adznačyŭ Žabko. «Kab atrymać ekanamičnuju addaču ad inviestycyjnaha pracesu, treba pradoŭžyć pracu pa padrychtoŭcy i razhladzie inviestycyjnych prapanoŭ i realizacyi prajektaŭ», — dadaŭ jon.
Kamientary