Z razbambavanaha siamiejnaha ekaparku pad Kijevam narešcie stali vyvozić žyvioł
Rasiejskija vojski pad Kijevam amal źniščyli siamiejny ekapark «Jasnaharodka». Častka žyvioł, dla jakich fierma słužyła prytułkam, zahinuli. Ale evakuacyja astatnich ŭžo pačałasia. Pra heta paviedamili ŭładalniki ekaparka i hramadskaja arhanizacyja UAnimals, jakaja dapamahaje evakujavać žyvioł, piša «Ukrainskaja praŭda».
«Za ŭčora (29 sakavika — red.) vyvieźli kala 15 žyvioł. Heta piać łam, niekalki alpak i vielmi redkija pryhožyja ružovyja pielikany», — adznačyła vałanciorka UAnimals.
A 30 sakavika vałanciory z dapamohaj evakuacyjnych mašyn vyratavali jašče dvuch viarbludaŭ, dvuch bujvałaŭ i išakoŭ.
Pa słovach vałanciorki, uładalniki fiermy zapeŭnivajuć, što na praciahu miesiaca vajny supracoŭniki ekaparku karmili i dahladali žyvioł. Adnak, na žal, z-za aktyŭnych varožych abstrełaŭ takaja mahčymaść była nie zaŭsiody.
Pavodle ŭładalnika Jasnaharodskaj fiermy Akima Akimava, za čas vajny zahinuli kala 20 straŭsaŭ, cialaty šatłandskaj karovy i vienhierskaj siurki (paroda karoŭ), dźvie łamy i alpaka.
Pry hetym uładalnik adznačaje, što ni adna žyvioła nie pamierła z-za adsutnaści ježy abo vady. Usie jany zahinuli ŭ vyniku abstrełaŭ i z-za stresu.
Pa stanie na 30 sakavika ŭ ekaparku «Jasnaharodka» znachodziacca jašče sotni žyvioł. U pryvatnaści, kala 30 hałoŭ baranaŭ, 250 straŭsaŭ i jaki.
Siamiejny ekapark, jaki da niadaŭniaha času zaŭsiody haścinna prymaŭ naviedvalnikaŭ, zaraz vyhladaje pryhniečana: zharełyja pabudovy, paŭsiul vidać ślady bambiožak. Ale Akim Akimaŭ kaža: «Toje, što my takuju kolkaść žyvioł vykarmili i jany zastalisia žyvyja — heta ŭžo pośpiech».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary