ZŠA ŭviali novyja sankcyi suprać Rasii. Jany nacelenyja suprać technałahičnaha siektara
Ministerstva finansaŭ ZŠA zajaviła, što ŭvodzić sankcyi ŭ dačynieńni da 21 rasijskaj arhanizacyi i 13 fizičnych asob. U tym liku pad ich patrapiła kampanija «Mikron», najbujniejšy rasijski vytvorca mikraschiem i najbujniejšy vytvorca i eksparcior mikraelektroniki.
Taksama pad abmiežavańni patrapili NDI «Viektar», «Siertał», «Sieryja inžynirynh» i inšyja rasijskija technakampanii, čyja dziejnaść ciesna źviazanaja z vajennymi raspracoŭkami.
Hety krok amierykancaŭ skiravany suprać «sietak uchileńnia ad sankcyj» i «klučavych rasijskich technałahičnych kampanij, jakija spryjajuć niezakonnaj vajnie Pucina suprać Ukrainy».
«Rasija nie tolki praciahvaje parušać suvierenitet Ukrainy svajoj ničym nie spravakavanaj ahresijaj, ale i ŭzmacniła ataki na cyvilnaje nasielnictva i nasielenyja punkty, — zajaviła ministr finansaŭ ZŠA Dženiet Jelen. — My budziem praciahvać nacelvać sankcyi na vajskovuju mašynu Pucina z usich bakoŭ, pakul hetaja biessensoŭnaja vajna nie skončycca».
Ciapier čytajuć
Pačobut parazvažaŭ, ad čaho zaležyć budučynia Biełarusi1
Kamientary