Rasija sprabuje abmianiać cyvilnych ukraincaŭ na svaich vajennapałonnych, choć heta zabaroniena Ženieŭskaj kanviencyjaj
Vice-premjer Ukrainy Iryna Vieraščuk u intervju BBC paviedamiła, što Maskva sprabavała abmianiać cyvilnych ukraincaŭ na rasijskich vajskoŭcaŭ. Ukraina admoviłasia i zaklikała Rasiju viarnuć ludziej.
Vieraščuk adznačyła, što ich vykarystoŭvajuć jak zakładnikaŭ.
«Tamu jany zachapili ŭsich hetych zakładnikaŭ — cyvilnych, žančyn, rabotnikaŭ miascovych savietaŭ, kab pasprabavać ich vykarystać. My viedajem, što tam bolš za tysiaču zakładnikaŭ, u tym liku amal 500 žančyn. My viedajem, što jany znachodziacca ŭ turmach i SIZA ŭ Kursku, Bransku, Razani, Rastovie», — skazała vice-premjer.
Pa jaje słovach, Rasija taksama zaciahnuła ź viartańniem cyvilnych žančyn. «My vyciahvajem žančyn amal abcuhami. Ciapier my admaŭlajemsia pravodzić abmien biez žančyn u śpisie. Takim čynam my sprabujem vyratavać našych žančyn i mirnych žycharoŭ», — skazała Vieraščuk.
Padčas apošniaha abmienu dzieviać mirnych žycharoŭ byli viernutyja nazad ź ciažkimi ranieńniami, u tym liku amputacyjami, praviedzienymi ŭ Rasii.
«U hetym abmienie byli ciažka paranienyja — amputavanyja kaniečnaści, sepsis, inšyja ciažkija traŭmy. Byli vidavočnyja prykmiety katavańniaŭ. Historyi, jakija jany nam raskazvali, žudasnyja», — raspaviała Vieraščuk.
«Padčas ahladu ŭ mianie prosta advaliŭsia palec na nazie». Historyja ŭkrainca, jaki viarnuŭsia z rasijskaha pałonu pakalečanym
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec30
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary