Z 2010 hoda Rasija adkryje kredytuju liniju na budaŭnictva AES u Biełarusi. Pra heta zajaviŭ žurnalistam Alaksandr Łukašenka paśla zaviaršeńnia pieramoŭ z prezidentam Rasii Dźmitryjem Miadźviedzievym 27 žniŭnia ŭ Sočy, paviedamlaje pres‑słužba kiraŭnika biełaruskaj dziaržavy.
«Była dasiahnuta pryncypovaja damoŭlenaść, što Rasijskaja Fiederacyja prakredytuje hety prajekt. Ciapier uzhadniajecca kančatkovaja suma kredytu, i my damovilisia, što ŭžo z 2010 hoda Rasija adkryje kredytnuju liniju», — zajaviŭ biełaruski kiraŭnik.
Pavodle jaho słoŭ, užo stvarajecca infrastruktura dla atamnaj elektrastancyi pad Astraŭcom (Hrodzienskaja vobłaść).
«I z 1 studzienia 2010 hoda pojdzie paŭnavartasnaje budaŭnictva», — dadaŭ Łukašenka.
Zakranajučy inšyja pytańni ŭzajemaadnosinaŭ krain u enierhietyčnaj śfiery, prezident adznačyŭ, što baki abmierkavali pytańni pastaŭki rasijskaha hazu. «U Biełarusi nie budzie prablem z raźlikam za pryrodny haz», — kanstatavaŭ jon.
«Taksama my abmiarkoŭvali «małočnyja prablemy», jakija ŭ nas byli», — adznačyŭ Łukašenka. Kab nie ŭźnikała takich kanfliktaŭ, pavodle słoŭ prezidenta, «treba składać bałansy pastavak pradukcyi i adychodzić ad kvot». «Heta nie sprava, što ŭ našych adnosinach źjaŭlajucca niejkija kvoty, pošliny i inšaje. My ž mytny sajuz farmirujem. Hetych prablem być nie pavinna», — ličyć jon.
Padčas pieramoŭ baki abmierkavali šerah inšych pytańniaŭ. U pryvatnaści, paviedamiŭ Łukašenka, ab mytnaj pošlinie na naftu, ab vydzialeńni dziaržaŭnaha kredytu, inšyja finansavyja pytańni, a taksama realizacyju sumiesnych mier pa pieraadoleńni nastupstvaŭ finansava‑ekanamičnaha kryzisu.
«My vyznačylisia, što ŭ vieraśni našy ŭrady siaduć na stoł pieramoŭ i raźviažuć hetyja prablemnyja vuzły. Mnie paabiacaŭ heta prezident Rasii. Tamu daručeńni premjer‑ministram buduć dadzieny siońnia ž», — zajaviŭ Łukašenka.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary