Bloomberg: Turcyja vystaviła šerah patrabavańniaŭ za dazvoł Finlandyi i Šviecyi na dałučeńnie da NATA
Kiraŭnictva Turcyi vystaviła NATA šerah umoŭ, pry jakich jano hatovaje pahadzicca na ŭstupleńnie ŭ aljans Šviecyi i Finlandyi. Poŭny śpis patrabavańniaŭ publikuje Bloomberg sa spasyłkaj na troch tureckich čynoŭnikaŭ.
Siarod hetych patrabavańniaŭ — źniaćcie sankcyj z Upraŭleńnia abaronnaj pramysłovaści Turcyi (SSB) za kuplu rasijskich zienitna-rakietnych sistem S-400. Jany byli ŭviedzienyja hod tamu.
Taksama Ankara patrabuje admieny embarha na pastaŭki zbroi i viartańnia ŭ prahramu źniščalnikaŭ F-35, a taksama zaćviardžeńnia novaha pakieta zakupak źniščalnikaŭ F-16.
Akramia taho, ułady Turcyi chočuć, kab Šviecyja i Finlandyja pryznali Rabočuju partyju Kurdystana terarystyčnaj arhanizacyjaj i admovilisia ad nadańnia prytułku jaje aktyvistam.
Dla ŭstupleńnia ŭ NATA Šviecyi i Finlandyi, jakija dniami padali aficyjnyja zajaŭki, usie 30 udzielnikaŭ aljansu pavinny ich padtrymać. I pieraškody źbirajecca čynić tolki Turcyja.
Zrešty, u Dziarždepartamiencie ZŠA ŭpeŭnienyja, što ŭnutry NATO zachavajecca kansiensus z nahody pryniaćcia Šviecyi i Finlandyi. Pry hetym u viedamstvie zajavili, što Turcyja nie vyłučała nijakich dadatkovych umoŭ.
Čytajcie taksama:
Erdahan pahražaje zabłakavać ustupleńnie Finlandyi i Šviecyi ŭ NATA
Pryjom Finlandyi i Šviecyi ŭ NATA: Erdahan choča na hetym zhulać
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary