Hrupa ekśpiertaŭ pry Ministerstvie adukacyi i navuki Ukrainy, u jakuju ŭvachodziać školnyja nastaŭniki, fiłołahi i inšyja piedahohi, padrychtavali prapanovy pa źmienach u školnuju prahramu pa zamiežnaj litaratury ŭ 6-11 kłasach. Ź jaje, pavodle hetych prapanoŭ, musiać być vyklučanyja ŭsie rasijskija i biełaruskija aŭtary. Siarod aŭtaraŭ, jakich prapanujuć vyklučyć — biełarus Vasil Bykaŭ. U 7-m kłasie vyvučałasia jahonaja «Alpijskaja bałada».
Praŭda, heta pakul tolki rekamiendacyi — Ministerstva ciapier pavinna ź imi paznajomicca i vyrašyć, ci abnaŭlać navučalnyja prahramy i kali tak, to jak heta rabić.
«Kali budzie zahad Ministerstva, tady možna budzie kazać pra toje, što rašeńnie pryniata, — tłumačyć Viktoryja Topał, hałoŭnaja redaktarka sajta «Novaja ŭkrainskaja škoła». — Hetaja pracoŭnaja hrupa nie moža zahadać unieści kamuści źmieny, heta pramiežkavaje rašeńnie, jakoje pavinna zaćvierdzić Ministerstva».
Varta adznačyć, što niadaŭna ŭkrainski piśmieńnik i dypłamat Siarhiej Barščeŭski publična vystupaŭ suprać vykidańnia z prahramy biełaruskich piśmieńnikaŭ, u tym liku i Vasila Bykava. Jon, dobra znajomy ź biełaruskaj litaraturaj i ŭvohule situacyjaj u Biełarusi, aburaŭsia:
«Vydalić Vasila Bykava, samaha viadomaha ź nieprymirymych apanientaŭ Łukašenki, vymušanaha emihravać z radzimy, kudy jon viarnuŭsia za miesiac da śmierci? Ja bačyŭ šmatludnaje pachavańnie Vasila Bykava ŭ Minsku pad bieł-čyrvona-biełymi ściahami ŭ červieni 2003 hoda. Pachavańnie, pieraŭtvoranaje ŭ masavy pratest».
Pakul što, jak vyhladaje, padobnyja arhumienty vodhuku nie znachodziać. Ale, mahčyma, da ich prysłuchajucca ŭ ministerstvie.
Čytajcie taksama:
Ukrainski piśmieńnik: Ci pavinien Vasil Bykaŭ adkazvać pierad ukraincami za Łukašenku?
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary