Brytanski ekśpiert: Strata Lisičanska — heta vajennaja niaŭdača Ukrainy. Nastupleńnie na Słaviansk užo pačałosia
Džaścin Bronk, staršy navukovy supracoŭnik Karaleŭskaha instytuta abjadnanych słužb Vialikabrytanii, kaža, što Rasija skancentravała ŭsiu svaju artyleryju i masiŭnuju ahniavuju moc na nievialikaj terytoryi pamiž Sievieradanieckam i Lisičanskam.
Ukrainskim siłam było ciažka vieści ahoń suprać takoj masavaj kancentracyi zbroi. Bronk ličyć, što zamiest hetaha Ukraina sprabavała akazvać cisk na rasijskija pazicyi ŭ inšych miescach na linii frontu, u Chiersonie na poŭdni i ŭ Charkavie na poŭnačy.
Rasijanie kožnyja paru dzion prasoŭvalisia na kiłamietr ci kala taho i pastupova ruchalisia napierad. Toje, što my bačym ciapier, źjaŭlajecca kulminacyjaj hetaj apieracyi, dadaje Bronk.
Ukraina ciapier budzie mieć našmat karaciejšy ŭčastak linii frontu na hetaj terytoryi, jakuju treba abaraniać, ale vymušanaja admovicca ad dobra ŭmacavanych haradskich pazicyj, bo jany byli prarvanyja, kaža ekśpiert.
Mienšaja daŭžynia linii frontu dla abarony aznačaje, što zabieśpiačeńnie budzie praściejšym. Va ŭkraincaŭ šmat lohkaj piachoty, vielmi matyvavanaj, ale ciažkich miechanizavanych sił u ich nie tak šmat, im praściej utrymlivać pazicyi, čym ich advajoŭvać. Tamu strata Lisičanska ŭ cełym — heta vajennaja niaŭdača, patłumačyŭ Džaścin Bronk.
Harady Słaviansk i susiedni Kramatorsk — klučavyja dla nastupnaj linii abarony Ukrainy — ciapier u zonie dastupnaści rasijskaj armii.
Ciapier čytajuć
Prapahandysty pakazali mocna schudniełaha Vasila Vieramiejčyka14
Kamientary