Treniravać zbornuju Biełarusi pa tenisie pierakinuli śpiecyjalistku ź Fiederacyi rukapašnaha boju
Stała viadoma, što novym načalnikam kamandy i staršym trenieram zbornaj Biełarusi pa tenisie stała Valancina Šyško. Pra heta paviedamlaje Tribuna.com, adznačyŭšy, što raniej Šyško nie mieła nijakaha dačynieńnia da tenisa.
Sama Šyško raskazała pra raniejšyja etapy svajoj bijahrafii, i ničoha źviazanaha z tenisam u jaje žyćci dahetul nie było. Raniej jana pracavała instruktaram-mietadystam pa spartyŭna-masavaj i azdaraŭlenčaj pracy va ŭniviersitecie fizičnaj kultury. Siarod inšaha pracavała i ŭ dyrekcyi II Jeŭrapiejskich hulniaŭ, jakija pravodzilisia ŭ 2019 hodzie, arhanizoŭvajučy ŭznaharodžańnie ŭdzielnikaŭ na ŭsich 16 spartyŭnych abjektach.
Šyško adznačaje taksama, što «adzin ź cikavych napramkaŭ u majoj karjery — praca ŭ śfiery źmiešanych adzinaborstvaŭ i MMA. U 2021 hodzie my pravodzili vialikaje mierapryjemstva sumiesna z Bachrejnam — turnir BRAVE».
Jana źjaŭlajecca členam Biełaruskaj fiederacyi rukapašnaha boju i źmiešanych adzinaborstvaŭ i «čaściakom pryciahvajecca da arhanizacyi i praviadzieńnia mierapryjemstvaŭ z udziełam kiraŭnika dziaržavy».
U śfieru ž tenisa jana patrapiła, maŭlaŭ, tamu, što «nie lubić i nie moža siadzieć na miescy. Zaŭsiody imkniecca da niečaha bolšaha». I kali prapanavali pajści siudy, to «čamu nie? Heta novaja śfiera, novyja mety, emocyi i pieramohi».
Varta adznačyć, što heta ŭžo nie pieršaje «kidańnie na tenis» ludziej, jakija nie majuć da jaho anijakaha dačynieńnia. U listapadzie minułaha hoda Biełaruskuju tenisnuju fiederacyju ŭznačaliŭ handbalist Siarhiej Rutenka.
Čytajcie taksama:
Handbalist Siarhiej Rutenka ŭznačaliŭ Biełaruskuju tenisnuju fiederacyju
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary