Unačy čulisia šmatlikija vybuchi ŭ rajonie aeradroma «Ziabraŭka» pad Homielem. Minabarony: Adbyłosia ŭzharańnie techniki
Telehram-kanał «Biełaruski hajun» unačy paviedamiŭ, što ŭ rajonie aeradroma «Ziabraŭka» pad Homielem, dzie bazujucca rasijskija vojski, byli čuvać vybuchi i vidać uspyški. Minabarony zajaviła, što adbyłosia ŭzharańnie adnoj z adzinak techniki.
Pavodle papiaredniaj infarmacyi, pačynajučy z 00:25 da 00:32 byli vidać minimum 8 uspyšak.
Infarmacyju paćvierdzili čytačy homielskaha vydańnia «Fłahštok»:
«Z 00:25 pa 00:32 byli čutnyja vybuchi, adčuvałasia [udarnaja] chvala, paru razoŭ praz sucelnuju vobłačnaść [byli bačnyja] śvietłavyja probliski. Napramak — Ziabraŭski aeradrom».
U Ziabraŭcy ad zimy hetaha hoda bazavałasia rasijskaja avijacyja i rakietnyja kompleksy, jakija vykarystoŭvalisia dla ŭdaraŭ pa Ukrainie. Paviedamlałasia, što ŭ pačatku hetaha miesiaca ŭ tym rajonie nazirali pieravozku rakiet dla kompleksaŭ S-300 abo S-400.
Ziabraŭka znachodzicca za 10 km ad Homiela, za 50 km ad ukrainskaj miažy.
Raniej Ministerstva abarony anansavała na 9—11 žniŭnia vučeńni sił supraćpavietranaj abarony na terytoryi Biełarusi.
Minabarony ranicaj paćvierdziła fakt zdareńnia ŭ Ziabraŭcy.
«U suviazi z nadychodziačymi ŭ Ministerstva abarony zvarotami ab uspyškach na ŭčastku miascovaści Ziabraŭka Homielskaj vobłaści, paviedamlajem, što 10 žniŭnia kala 23 hadzin padčas kantrolnaha prabiehu adnoj z adzinak techniki paśla praviedzienaj zamieny ruchavika adbyłosia jaje ŭzharańnie. Asabovym składam svoječasova pryniatyja miery pa tušeńni. Paciarpiełych niama».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary