U Baranavickim lashasie pakul sabrali tolki dziasiatuju častku ad uradžaju 2005 hodu. Pry tym, što ŭ planach staić zadača pieravykanać letašni pakazalnik udvaja.
Pa stanie na 24 lipienia rabotnikami Baranavickaha lashasu było narychtavana kala 250 kh čarnicaŭ, što skłała tolki 10% ad usiaho letašniaha abjomu narychtovak.
Jak raskazaŭ inžyner pabočnaha karystańnia lesu Baranavickaha lashasu Leanid Tumaš, masavaja narychtoŭka jahadaŭ u lesahaspadarkach upraŭleńnia pravodzicca z 6 lipienia. Pavodle jahonych słovaŭ, mienavita paśla śviata Kupalla čarnicy stanoviacca bolš hajučymi, i tamu kaštoŭnymi. Pahrozy ž nazapašvańnia čarnicami radyjacyjnych rečyvaŭ u rajonie nie isnuje – «plamaŭ» tut niama.
Jahady rabotniki lesu źbirajuć razam z svaimi siemjami. Sioleta plan pa zbory čarnicaŭ u Baranavickim lashasie składaje piać tonaŭ, što ŭdvaja bolej, čym było sabrana letaś. Tym nia mienš, pa słovach Leanida Tumaša, naŭrad ci sioleta budzie vykanany navat letašni plan, bo da kanca zboru čarnicaŭ zastałosia ŭsiaho dva tydni.
– Zbor čarnicaŭ sioleta vielmi ŭskładnieny, – adznačaje Tumaš. – Pa-pieršaje, uradžajnaść jahadaŭ sioleta nia nadta vysokaja, a pa-druhoje, adbivajecca toje, što miascovaje nasielnictva minułymi hadami pravodziła narychtoŭku nie ručnym sposabam, a z prymianieńniem techniki. U vyniku takoj narychtoŭki u jahadaŭ škodzicca ściabło i karani, i ciaham niekalkich hadoŭ čarnicy na takich kustach nie vyrastajuć…
–Čarnicaŭ sioleta, pa-mojmu, chapała. Tolki što praz haračyniu, jakaja stajała ŭ Biełarusi ŭ lipieni, jahady chutka absypalisia na ziamlu, – raskazaŭ žychar Baranavičaŭ Alaksandar Horbač, jaki źbiraŭ čarnicy dva tydni tamu niedaloka ad horadu. – Tym, chto chacieŭ nazapasić bahata jahadaŭ i narabić kampotaŭ, sočyva, prosta nia tre było nie adkładać na doŭhi čas, a źbirać jahady aperatyŭna.
Tym nia mienš, znajści čarnicy ŭ prodažy ŭ pryvatnikaŭ na baranavickich rynkach siońnia možna biez asablivych prablemaŭ. Praŭda, ceny na hetyja jahady kusajucca – za dziesiacilitrovaje viadro vam daviadziecca zapłacić minimum dvaccać tysiačaŭ rubloŭ.
Rusłan Harbačoŭ, Baromietr, bulletinonline.org
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary