ISW: Iranskija drony-kamikadze — nie «Chajmarsy» i na chod vajny istotna nie paŭpłyvajuć
Amierykanski instytut vyvučeńnia vajny (ISW) u čarhovaj zvodcy piša, što vykarystańnie Rasijaj iranskich dronaŭ nie daje joj efiektu, paraŭnalnaha z tym, što akazali na chod vajny rakietnyja ŭstanoŭki HIMARS, jakija źjavilisia va ŭkrainskaj armii.
«Rasijskaja armija, padobna, nie sprabuje asimietryčna kancentravać udary hetych dronaŭ na vuzłavych punktach pablizu frontu. Jany zapuścili šmat dronaŭ pa nievajennych celach u tyle, vierahodna, spadziejučysia šlacham teroru damahčysia nieliniejnaha efiektu. Hetyja dziejańni pośpiechu nie prynosiać», — piša ISW.
Ukraincy, atrymaŭšy letam amierykanskija «Chajmarsy», stali vykarystoŭvać ich dakładnyja i dalnabojnyja rakiety dla ŭdaraŭ pierš za ŭsio pa składach bojeprypasaŭ, kamunikacyjach i štabach u tyle rasijan i, jak ličać vajennyja ekśpierty, šmat u čym dziakujučy hetamu zdoleli pierałamać situacyju na frantach.
Vykarystańnie ž Rasijaj bieśpiłotnych latajučych aparataŭ iranskaj vytvorčaści nie pryvodzić da asimietryčnych efiektaŭ, jak heta adbyłosia z vykarystańniem Ukrainaj pradastaŭlenych ZŠA sistem HIMARS, i naŭrad ci istotna paŭpłyvaje na chod vajny.
Pavodle źviestak ukrainskaha Hienštaba Ukrainy, rasijskija vojski vykarystali 86 iranskich bieśpiłotnikaŭ Shahed-136 suprać Ukrainy, 60% ź jakich ukrainskija siły źniščyli.
Kali śćviardžeńni ananimnaha supracoŭnika amierykanskaj vyviedki ŭ kancy žniŭnia byli viernyja, to Iran, chutčej za ŭsio, pradastaviŭ Rasii «sotni» bieśpiłotnych latalnych aparataŭ, a Rasija vykarystała ŭžo značnuju častku dronaŭ.
Čytajcie taksama:
Iranskija drony kinuli vyklik ukrainskaj SPA
Ukraincy pakazali načynku iranskaha bieśpiłotnika. Vyjaviłasia, što ŭ im staić zachodniaja elektronika
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary