Narod matyvujuć iści na impieryjalistyčnuju vajnu samymi niečakanymi teoryjami.
U papularnych rasijskich Z-kanałach źjaviłasia novaje tłumačeńnie, čamu ž Pucin pačaŭ vajnu suprać Ukrainy: dla «resłavianizacyi postsavieckaj prastory».
«Adna z metaŭ śpiecapieracyi heta stvareńnie tak zvanaha «ekspansiŭnaha siemieni», — intryhuje prapahanda. — Da miljona hramadzian Rasii mužčynskaha połu z prahresivisckaj bahataj prasłojki, jakija mohuć sabie dazvolić pražyvać za vialikija hrošy na postsavieckaj prastory ŭ krainach byłoha SSSR.
U zadačy «ekspansiŭnaha siemieni» uvachodzić razmnažeńnie i pavieličeńnie kolkaści ruskaj nacyi na postsavieckaj prastory i źmiena składu nasielnictva na novych terytoryjach, — piša prapahandyscki Z-kanał.
— Meta resłavianizacyi pavinna być dasiahnutaja da 2050 hoda».
«Žančyny ŭ Armienii stali lepš apranacca i farbavacca, źjaŭleńnie vialikaj kolkaści ruskich mocna padniało kankurencyju na miascovym rynku. Heta fakt», — dadaje prapahandyst.
U realnaści nijakich haryzontaŭ płanavańnia da 2050 hoda ŭ rasijan niama. Navat vajna va Ukrainie pajšła nie pa płanie. Chacieli ŭziać Kijeŭ za try dni, a vyjšła jak zaŭsiody. Dy i sama teoryja absurdnaja. Zabić sotni tysiač rasijan i ŭkraincaŭ, palityčna i ekanamična izalavać Rasiju, kab «resłavianizavać» susiednija krainy? U realnaści «śpiecapieracyja» pryviała da padzieńnia aŭtarytetu i ŭpłyvu Rasii. Navat takija sajuźniki, jak Kazachstan, addalilisia ad Maskvy i zbližajucca z Zachadam, kab mieć harantyi abarony ad «ekspansiŭnaha» susieda.
Mierkavańnie, što «žančyny ŭ Armienii stali lepš apranacca i farbavacca», kab kankuravać za rasijskich kantraktnikaŭ-burataŭ, vydaje žančynanienaviśnictva i šavinizm aŭtaraŭ fejku, ale absurdnaje dla kožnaha, chto viedaje armian i byvaŭ u Armienii.
Našto prapahanda zapuskaje takija absurdnyja teoryi? Hałoŭnaja zadača rasijskaj prapahandy — nie pierakanać u čymści kankretnym, a zabłytać čałavieka, zrabić tak, kab jon pierastaŭ adroźnivać praŭdu ad chłuśni.
Kiraŭnictva Rasii choča, kab nasielnictva vieryła, što sotni tysiač trupaŭ, zrujnavanyja harady i mižnarodnaja izalacyja majuć choć niejki tajny sens. Što ŭ Pucina ŭsio pad kantrolem i što jon maje stratehičny płan. Staniecie bahatymi i budziecie mieć pośpiech u žančyn — da 2050 hoda. A pakul treba paciarpieć — navat kali našy S-300 niazdolnyja źniščać chajmarsy.
Kamientary
Kapiec,kak śmiešno )) rie-ČIEHO??? Otčieho-to vsie pošło naoborot,kto by moh podumať? A?
A voobŝie—ieśli v ordie vsieŕjoz priniaty takije myślitieli,kak duhin,ili etot ,kak by eto skazať, mmm...—s altiernativnym składom uma,možno byť spokojnym,vsie v poriadkie—tam vsie zavalitsia jestiestviennym putiom.