Saŭmin unios źmieny ŭ śpis tavaraŭ, ceny na jakija padlahajuć rehulavańniu. Što źmianiłasia?
Źmieny ŭ pastanovu № 713 ab novaj sistemie rehulavańnia cen aficyjna apublikavanyja 27 kastryčnika. Pastanova № 713 (1) ustupiła ŭ siłu z dnia padpisańnia, 26 kastryčnika. Akramia źmianieńniaŭ u daacency reštkaŭ tavaraŭ i paradku dadavańnia da roźničnaj cany faktyčnych vydatkaŭ na fasoŭku, źmieny zakranuli i pieralik tavaraŭ z dadatku 1, ceny na jakija padlahajuć rehulavańniu pa novych praviłach. Što źmianiłasia ŭ hetym śpisie, praanalizavaŭ Office Life.
U śpis dadali matornaje masła dla aŭtamabilaŭ, chatni i humovy abutak, a prybrali kvietki, juvielirnyja vyraby, naručnyja hadzińniki i drukavanyja vydańni.
Akramia taho, sa śpisu rehulavanych tavaraŭ vyklučanyja:
- paštet, sasiski, sardelki, kryvianaja i liviernaja kaŭbasa;
- ikra i morapradukty, dalikatesnyja rybnyja kansiervy;
- žujka;
- suchija supy i bulonnyja kubiki;
- prypravy pierac čorny, duchmiany i čyrvony;
- škarpetki z paŭšarścianoha pradziva;
- demisiezonnyja boty, paŭboty, čaraviki;
- haziety, časopisy, knihi;
- ličbavyja fotakamiery;
- smartfony, kampjutary, noŭtbuki, płanšety i karty pamiaci;
- drovy, torfabrykiety;
- elektryčnyja batarejki (AA).
Źmianilisia i niekatoryja najmieńni tavaraŭ, jakija zastalisia ŭ śpisie:
- udakładnienyja tavary ŭ katehoryi miasnych paŭfabrykataŭ i ryby (pazicyi 7-9, 13, 14, 18, 23, 24),
- małočnych praduktaŭ (pazicyi 34-39),
- pa mnohich pazicyjach u katehoryjach adzieńnia i abutku;
- «zapčastki dla transpartnych srodkaŭ» stali «zapčastkami dla lehkavych aŭtamabilaŭ»;
- «krem dla tvaru» staŭ «kremam dla tvaru, ruk i noh»;
- «syry» stali «syrami z karovinaha małaka».
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary