U sud nakiravanaja sprava za intervju «ekstremisckamu» kanału. Vierahodna, havorka idzie pra Jahora Lebiadka
Prakuratura nakiravała ŭ Minski abłasny sud kryminalnuju spravu ŭ dačynieńni da 40-hadovaha žychara Smalavickaha rajona. Jaho buduć sudzić za intervju pra vajnu Rasii suprać Ukrainy. Miarkujučy pa vystaŭlenych abvinavačvańniach i inicyjału, ukazanamu ŭ paviedamleńni prakuratury, havorka moža iści pra vajennaha ekśpierta Jahora Lebiadka, vykazvaje mierkavańnie Reform.by.
«Zhodna z materyjałami spravy, Ł. u krasaviku i mai 2022 hoda ź piersanalnaha kampjutara, padłučanaha da sietki Internet, u metach zabieśpiačeńnia dziejnaści publičnaha destruktyŭnaha kanała, infarmacyjnuju pradukcyju jakoha sud pryznaŭ ekstremisckimi materyjałami, daŭ intervju pradstaŭniku nazvanaha kanała na temu praviadzieńnia ŭzbrojenymi siłami Rasijskaj Fiederacyi śpiecyjalnaj vajennaj apieracyi na terytoryi Ukrainy i roli ŭ joj Respubliki Biełaruś», — havorycca ŭ paviedamleńni prakuratury.
U im taksama havorycca, što intervju «spryjała raspaŭsiudžvańniu łžyvych źviestak ab palityčnym, ekanamičnym, sacyjalnym, vajennym i mižnarodnym stanoviščy» Biełarusi, pravavym stanoviščy jaje hramadzian, što dyskredytavała krainu.
Abvinavačvańnie vystaŭlenaje pa č. 1 i č. 2 art. 361-4 Kryminalnaha kodeksa (sadziejničańnie ekstremisckaj dziejnaści).
Jahor Lebiadok byŭ zatrymany sioleta 12 lipienia, suprać jaho raspačali spravu pa artykule ab sadziejničańni ekstremisckaj dziejnaści, a ŭ kancy kastryčnika da č. 1 była dadadzienaja č. 2 hetaha artykuła, jakaja praduhledžvaje paŭtornaść pravaparušeńnia. Pry hetym praŭładnyja tielehram-kanały napisali, što «luboje intervju «ekstremisckim» resursam stvaraje paŭtorny skład złačynstva».
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary