Minčuk atrymaŭ «list ščaścia» za techahlad. Adnak pieravyšeńnia chutkaści nie było
Doŭhi čas kamiery praviarali nie ŭsie aŭto ŭ patoku, a tolki tyja, što traplalisia za pieravyšeńnie chutkaści. U kancy kastryčnika Mintrans zajaviŭ ab pačatku paŭnavartasnaha kantrolu za techahlad pa kamierach. Heta navat vyklikała lohki ažyjataž na stancyjach. Biełarusy pačali dzialicca zdymkami «listoŭ ščaścia» za techahlad, znajšli zakanamiernaść — parušeńni fiksavali na ŭčastkach vymiareńnia siaredniaj chutkaści. Ale całkam upeŭnienyja nie byli. Minčanin Maksim mižvoli pravioŭ ekśpierymient pa vyśviatleńni iściny, piša Onliner.by.
«Ja dastatkova doŭha rychtavaŭ aŭtamabil da prachodžańnia linii TA, — raspavioŭ aŭtaŭładalnik. — Papraviŭ ručnik i zamianiŭ lampački padśvietki numara. Faktyčna zastałosia zdabyć aptečku i ŭžo z zarobku prajści liniju techahladu. Ale 28 kastryčnika treba było jechać pa M1, jak raz mima ŭčastka nasuprać sanatoryja «Viesta», dzie kamiery siaredniaj chutkaści. Dumaŭ, pstryknuć mianie adnaznačna. Voś i pravieryŭ».
«Paśla pajezdki ja kožny dzień manitoryŭ u asabistym kabiniecie na sajcie MUS: pryjšoŭ štraf za TA ci nie? — apisvaje dalejšyja padziei Maksim. — Ale ŭ bazie ničoha nie było, novyja pastanovy nie źjaŭlalisia. Ja dakładna mahu skazać, što chutkasny režym nie parušaŭ. Za hetym pytańniem saču — prynamsi, u zonie fiksacyi kamierami. U vyniku pastanova pryjšła zakaznym listom —papiaredžańnie za kiravańnie bieź dziaržtechahladu».
Paśla atrymańnia lista minčuk praciahvaŭ sačyć za «navinami» asabistaha kabinieta sajta MUS, adnak nijakich novych pastanoŭ za chutkaść tam nie źjaviłasia. Učora dniom jon znoŭ zajšoŭ na partał — tam byŭ pakazany tolki archiŭ papiarednich pastanoŭ. Takim čynam Maksim zrabiŭ dla siabie vysnovu, što na niaprojdzieny TA siarod usich mašyn u patoku nastrojeny mienavita kamiery siaredniaj chutkaści.
DAI i MUS pakul nie vystupili z aficyjnaj zajavaj z nahody kamier, jakija fiksujuć usie aŭto z patoku z adsutnym TA.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary