Supracoŭnika «Minhaza» asudzili da troch hadoŭ «chatniaj chimii» za ŭdzieł u maršy
U sudzie Savieckaha rajona Minska vyniesieny prysud ślesaru «Minhaza» Dźmitryju Łatuškinu. Sudździa Volha Jemieljančanka pryznačyła jamu try hady abmiežavańnia voli biez nakiravańnia ŭ PUAT — «chatniaj chimii» — za ŭdzieł u mirnaj akcyi pratestu ŭ 2020 hodzie, paviedamlaje «Viasna».
Jana pryznała Dźmitryja vinavatym pavodle art. 342 KK («Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich»). Mužčynu vyzvalili ŭ zale suda.
Dźmitryj Łatuškin pryznaŭ vinu. Jon paćvierdziŭ, što ŭ dzień maršu znachodziŭsia i na prajeznaj častcy i razumieŭ, što mierapryjemstva niezakonnaje. Dokazami jahonaha ŭdziełu ŭ akcyi pryznanyja fotazdymak i videazapis.
«Minsktrans» taksama pradjaviŭ pazoŭ na kampiensacyju škody ŭ pamiery 22 500 rubloŭ. Łatuškin pryznaŭ jaho, ale ŭdakładniŭ, što suma zanadta vialikaja. Jon budzie razhledžany padčas asobnaj hramadzianskaj vytvorčaści.
Viadoma, što Dźmitryja zatrymali 10 žniŭnia 2022 hoda.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1313
Kamientary