Associated Press: Raźviedka ZŠA paćvierdziła, što rasijskija rakiety pierasiekli miažu Polščy
Pra heta zajaviŭ vysokapastaŭleny pradstaŭnik raźviedki ZŠA, paviedamiła ahienctva Associated Press.
ZŠA pakul nie mohuć paćvierdzić paviedamleńni ab padzieńni rasijskich rakiet u Polščy, zajaviŭ pres-sakratar Pientahona Patryk Rajder padčas bryfinhu.
Miž tym spačuvańni «polskim bratam pa zbroi» ŭžo prynios ministr abarony Łatvii Arcis Pabryks: «Maje spačuvańni našym polskim bratam pa zbroi. Złačynny rasijski režym vypuściŭ rakiety, jakija nacelenyja nie tolki na hramadzianskaje nasielnictva Ukrainy, ale i ŭpali na terytoryju NATA ŭ Polščy. Łatvija całkam padtrymlivaje polskich siabroŭ i asudžaje heta złačynstva», — napisaŭ Pabryks u tvitary.
Ułady Estonii taksama ŭžo adreahavali na naviny ab padzieńni rakiet na terytoryi Polščy. «Estonija hatovaja abaraniać kožny dziujm terytoryi NATA. My całkam salidarnyja z našym blizkim sajuźnikam Polščaj», — havorycca ŭ zajavie MZS krainy.
U svaju čarhu, MZS Łatvii zajaviŭ: «Traplańnie rasijskich rakiet na terytoryju člena NATA — heta vielmi niebiaśpiečnaja eskałacyja z boku Kramla… Rasija budzie nieści poŭnuju adkaznaść za ŭsie nastupstvy».
U toj ža čas pres-sakratar polskaha ŭrada Piotr Miuler zaklikaŭ nie publikavać niepravieranaj infarmacyi.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary