Da aktyvaŭ dystrybjutara harbaty Lipton pryhladajucca rasijskija vytvorcy ivan-čaju. Brendy Lipton, Saito i Brooke Bond naležać Ekaterra — byłomu «čajnamu» padraździaleńniu Unilever.
Niadaŭna jano było pradadziena inviestfondu CVC i (u adroźnieńnie ad byłoj maciarynskaj kampanii) chutka abviaściła pra sychod z Rasii. U Ekaterra było kala 7 % rasijskaha rynku harbaty, hałoŭny fizičny aktyŭ — bujnaja čajnaja fabryka ŭ Sankt-Pieciarburhu, paviedamlaje The Bell.
Hetym letam pra raźvićcio haliny ivan-čaja zakłapaciŭsia asabista Uładzimir Pucin, paličyŭšy fiermientavany nastoj kipreju «karyśniejšym za jakuju-niebudź Coca-Cola, dzie adna chimija», i navat paabiacaŭ dać asobnaje daručeńnie Minsielhasu.
Paśla hetaha adbyŭsia karotki ŭsplosk prodažaŭ.
Stan siektara praanalizavaŭ Forbes, jaki pryjšoŭ da vysnovy, što ŭ Rasii pradajecca ŭsiaho 1500 ton ivan-čaju ŭ hod (kala 1 % rynku), pryčym u nivodnaha z vytvorcaŭ, navat u tych, chto zajmajecca nie tolki ivan-čajem, niama navat 1 młrd rasijskich rubloŭ hadavoj vyručki.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary