Rasijski markietpłejs Wildberries moža pravieści častkovy rebrendynh łahatypa, skaraciŭšy jaho da abrevijatury WB, paviedamlaje TASS.
Hiendyrektarka kampanii Taćciana Bakalčuk zajaviła, što ciapier anłajn-rytejler maje patrebu ŭ niekatorym abnaŭleńni brenda — i ŭ kampanii heta adčuvajuć. Ale kankretnych terminaŭ pa vykanańni hetaj zadačy svaim śpiecyjalistam nie staviać.
«Pierajmienavańnia, chutčej za ŭsio, nie budzie, ale, mahčyma, my budziem adšturchoŭvacca ŭ novym łahatypie ad nazvy WB, tamu što doŭhaja nazva nie zaŭsiody pryhoža hladzicca, — zajaviła Taćciana Bakalčuk. — Dyzajnierskija kamandy pracujuć, dumajuć».
Hiendyrektarka taksama nahadała, što za čas isnavańnia markietpłejsa jahony łahatyp mianiaŭsia ŭžo 3 razy. Da prykładu, letam u ramkach rekłamnaj akcyi kampanija na sutki źmianiła anhłamoŭnuju nazvu Wildberries na ruski anałah «Jahodki». Ale praź dzień ad hetaj idei admovilisia.
Wildberries — najbujniejšy anłajn-rytejler Rasii, jaki pracuje na rynku z 2004 hoda. Jon raspaŭsiudžany taksama ŭ niekatorych krainach postsavieckaj prastory, u tym liku i ŭ Biełarusi.
Čytajcie taksama:
Minhandlu pryznała niezakonnym płatnaje viartańnie tavaru na Wildberries
Wildberries stali «Jahadkami». U biełaruskaj viersii pakul bieź źmienaŭ
Wildberries pačaŭ pradavać vopratku i aksiesuary brenda Zara
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary