Prezident MAK: My pavinny ŭvodzić sankcyi suprać tych, chto vinavaty ŭ raźviazvańni vajny
Prezident Mižnarodnaha alimpijskaha kamiteta (MAK) Tomas Bach padtrymaŭ praciah sankcyj suprać rasijskich i biełaruskich spartsmienaŭ.
Jon nie zmoh prysutničać na forumie Hłabalnaj asacyjacyi mižnarodnych spartyŭnych fiederacyj praz COVID-19, adnak jaho pramovu pračytaŭ vice-prezident MAK Sier Mjanh Nh, paviedamlaje Tribuna.com.
«Sankcyi suprać rasijskaha i biełaruskaha ŭradaŭ pavinny i buduć zastavacca niepachisnymi.
Rekamiendacyi pra toje, što vy, mižnarodnyja fiederacyi, nie pavinny pryznavać spartyŭnyja spabornictvy ŭ Rasii i Biełarusi i što nivodnaja nacyjanalnaja simvolika hetych krain nie pavinna demanstravacca na spartyŭnych mierapryjemstvach, musiać zastacca ŭ dziejańni.
Tamu my pavinny ŭvodzić sankcyi suprać tych, chto vinavaty ŭ raźviazvańni vajny, rasijskaha i biełaruskaha ŭradaŭ.
Vy ŭsie ź pieršych vusnaŭ viedajecie, jak ciažka zamknuć hetaje koła tymi achoŭnymi mierami, jakija nam pryjšłosia pryniać.
Voś čamu my pavinny praciahvać daśledavać sposaby pieraadoleńnia našaj dylemy praz hetyja achoŭnyja miery dla spartsmienaŭ.
My možam zrabić heta nadziejnym sposabam, kali my, Alimpijski ruch, sami zastaniomsia adzinymi.
My možam zrabić heta, tolki kali vy, mižnarodnyja fiederacyi, budziecie vykonvać našy rekamiendavanyja sankcyi i achoŭnyja miery», — pieradaŭ słovy Bacha Sier Mjanh Nh.
Nahadajem, što na samicie G20 Bach havaryŭ, što alimpijski sport maje patrebu va ŭdziele ŭsich spartsmienaŭ, navat kali ich krainy znachodziacca ŭ stanie vajny.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary