Dziaržsaviet Tatarstana pryniaŭ papraŭki da respublikanskaj Kanstytucyi, zhodna ź jakimi pasada kiraŭnika rehijona budzie nazyvacca nie «prezident», a «rais» (kiraŭnik). Hetaha patrabuje fiederalnaje zakanadaŭstva, ale rehijon da hetaha času ŭchilaŭsia ad pierajmienavańnia pasady, a ŭčora profilny kamitet Dziaržsavieta admoviŭsia padtrymlivać taki zakonaprajekt, piša «Bi-bi-si».
Ź inicyjatyvaj unieści papraŭki ŭ raździeł 2 i artykuł 89 respublikanskaj Kanstytucyi vystupiŭ na pasiadžeńni Dziaržsavieta Tatarstana staršynia kamiteta pa dziaržaŭnym budaŭnictvie i miascovym samakiravańni Albiert Chabibulin.
Zhodna z papraŭkami, vyšejšuju słužbovuju asobu Tatarstana prapanujecca nazyvać «kiraŭnik — Rais Respubliki Tatarstan». U arabskaj movie słova «rais» pachodzić ad słova «hałava» i aznačaje pravadyra, lidara, kiraŭnika. Chabibulin udakładniŭ, što prapanavanaje najmieńnie buduć dziejničać tolki dla znoŭ abranaha kiraŭnika respubliki. Heta značyć, što nazva pasady dziejnaha prezidenta Rustama Minichanava zachavajecca da 2025 hoda, kali skončycca termin jahonych paŭnamoctvaŭ.
Minichanaŭ u piatnicu prysutničaŭ na pasiadžeńni Dziaržsavieta. Jon rekamiendavaŭ deputatam padtrymać hetuju inicyjatyvu. «Liču, što, moža być, nie idealna, ale taja kanstrukcyja, jakuju siońnia ahučyli, dazvalaje nam ruchacca napierad. Zrazumieła, što nie zaŭsiody byvaje tak, jak chočaš, ale my znachodzim niejkija šlachi», — skazaŭ jon.
Jašče ŭčora situacyja była inšaj, i ŭłady Tatarstana vidavočna supraciŭlalisia pierajmienavańniu pasady prezidenta Respubliki. Kamitet Dziaržsavieta Tatarstana pa dziaržbudaŭnictvie rekamiendavaŭ adklikać papraŭki ŭ Kanstytucyju rehijona, zhodna ź jakimi prezident respubliki pavinien byŭ nazyvacca kiraŭnikom. Adpaviedny zakonaprajekt byŭ uniesieny ŭ respublikanski parłamient raniej na hetym tydni.
U fiederalnym zakanadaŭstvie hetaja norma była kančatkova zamacavanaja ŭ kancy minułaha hoda, kali Uładzimir Pucin padpisaŭ zakon ab pryncypach arhanizacyi publičnaj ułady ŭ subjektach Fiederacyi.
U adpaviednaści z dakumientam vyšejšaja słužbovaja asoba subjekta nazyvajecca kiraŭnikom i nie moža nazyvacca prezidentam.
Supraćstajańnie tatarskich elitaŭ z Kramlom za svoj asablivy status doŭžycca nie adzin hod.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary