Kazachstan pastrožyŭ umovy ŭjezdu ŭ krainu dla hramadzian krain JEAES
Kazachstan uzmacniŭ strohaść pravił ujezdu i znachodžańnia ŭ krainie dla inšaziemcaŭ ź JEAES. Dakumient, zaćvierdžany premjer-ministram krainy Alichanam Smaiłavym, apublikavany na sajcie pravavych aktaŭ.
Pačynajučy z 27 studzienia, hramadzianam krain Jeŭrazijskaha ekanamičnaha sajuza — Rasii, Biełarusi, Armienii i Kyrhyzstana — budzie dazvolena znachodzicca ŭ Kazachstanie nie bolš za 90 dzion na praciahu kožnaha pieryjadu ŭ 180 dzion. Kali hety termin budzie pieravyšany, zamiežnik, jaki vyjechaŭ z krainy, patrapić nazad nie zmoža. Novyja praviły nie buduć raspaŭsiudžvacca na tych, chto atrymaŭ dazvoł na časovaje žycharstva.
Raniej hramadzianie krain Jeŭrazijskaha ekanamičnaha sajuza mahli vykarystoŭvać tak zvany «vizaran», pierasiakajučy miažu Kazachstana raz na try miesiacy. Hetaha było dastatkova, kab abnavić termin lehalnaha znachodžańnia na terytoryi dziaržavy.
Z pačatku rasijskaj šyrokamaštabnaj ahresii suprać Ukrainy Kazachstan staŭ adnym z hałoŭnych napramkaŭ dla hramadzian, jakija pakidajuć Rasiju. Pa infarmacyi MUS Kazachstana, tolki paśla abviaščeńnia mabilizacyi ŭ krainu prybyli 400 tysiač rasijan, 150 tysiač ź jakich zastalisia na terytoryi krainy, a dazvoł na časovaje žycharstva atrymali tolki 36 tysiač čałaviek.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary