Zasnavalnik PVK «Vahnier» Jaŭhien Pryhožyn u intervju prapahandystu Siamionu Piehavu zajaviŭ, što terminy zaviaršeńnia vajennych dziejańniaŭ na Ukrainie zaležać ad taho, jakija buduć pastaŭlenyja mety. Ale ŭ lubym vypadku chutka, na jahonuju dumku, nie budzie.
Pry minimalnaj zadačy, kab całkam zaniać terytoryju Danieckaj i Łuhanskaj abłaściej Ukrainy, musić, pavodle jaho, pajści paŭtara hoda.
«Kali nam treba iści da Dniapra, to tady hady na try. Kali nam treba zakryć «DNR» i «ŁNR», to jašče choć by hadki paŭtara-dva treba papracavać», — skazaŭ Pryhožyn.
Pry hetym amal usiu Łuhanskuju vobłaść rasijskija vojski kantralujuć jašče ź leta. Pad kantrolem ukrainskich uład i USU ciapier tolki kala pałovy Danieckaj. I navat na zachop hetaha Pryhožynu treba jak minimum paŭtara, a to i dva hady. Heta mocna kantrastuje z toj samaŭpeŭnienaściu, ź jakoj Rasija pačynała vajnu amal hod tamu.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary