U žniŭni minułaha hoda ŭ dvary zavoda «Łuč» adkryŭsia fudkort «Najlepšaja vulica». Płanavałasia, što jon budzie pracavać kruhły hod, ale ŭ kastryčniku ŭ sacsietkach źjaviŭsia post pra toje, što placoŭka sychodzić na kanikuły da viasny, a ciapier pišuć, što vulica bolš nie pracuje.
«Najlepšyja ludzi horada Minska! Vymušanyja vam paviedamić, što placoŭka «Najlepšaja vulica» bolš pracavać nie budzie. Partniorstva z zavodam «Łuč» dla nas było vielizarnaj pamyłkaj. Kirujučy skład adnaho z najbujniejšych zavodaŭ horada Minska dazvalaje sabie ŭzbahačacca za košt pradprymalnikaŭ małoha biznesu. Škada … — napisali ŭ instahramie arhanizatary. — Ale nie budziem pra sumnaje. My abiacajem, što zusim chutka sustreniemsia z vami na novaj placoŭcy. I viadoma ž, my dziakujem vam za toje, što byli z nami. Bo biez hareźlivaha dziciačaha śmiechu, krynžavaj moładzi i ŭtulnych zakachanych paračak naša «Najlepšaja vulica» nie była b takoj jarkaj».
Na Minskim hadzińnikavym zavodzie infarmacyju pra zakryćcio «Najlepšaj vulicy» abvierhli.
«Najlepšaja vulica» praciahnie svaju pracu ŭ abnoŭlenym farmacie ŭ novym siezonie. Zaraz idzie raspracoŭka novaj kancepcyi i padrychtoŭka da adkryćcia placoŭki», — raspavioŭ błohieru Kokabaj namieśnik dyrektara pa raźvićci Minskaha hadzińnikavaha zavoda Rafik Sarkisian.
«Na žal, papiaredni padradčyk nie apraŭdaŭ čakańniaŭ i supracoŭnictva ź im spyniena. Infarmacyja, raźmieščanaja ŭ Instagram-akaŭncie «Łučšaja vulica», nie adpaviadaje rečaisnaści i nie źjaŭlajecca aficyjnaj pazicyjaj AAT «Minski hadzińnikavy zavod», — dadaŭ Rafik Sarkisian. «Prośba pieradać pravy na akaŭnt placoŭki ihnarujecca z boku papiaredniaha apieratara i akaŭnt vykarystoŭvajecca złamysna, jak trybuna dla vyražeńnia asabistaj nieabhruntavanaj pazicyi i sproba dyskredytacyi ŭładalnika placoŭki».
Na zavodzie zajavili, što praciahnuć pracu pa padrychtoŭcy da novaha siezona, a z TAA «Restarannaja karparacyja» buduć raźbiracca ŭ sudzie.
-
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»
-
Nasta Daškievič raspaviała pra dzień śmierci Alesia Puškina — «dzień, kali ŭ Biełarusi bol pamnožyŭsia na bol»
-
Łukašenka: U Biełarusi treba nastojliva pierachodzić na aciapleńnie pieletami, haz — tolki jak rezierv
Kamientary
U " rieziervacii šaraškie hietto" Budučyniu ni pabuduješ.
Ciabie dazvolać kazino zybickuju žyć niejki čas " svaim cikavym" łuċŠym žyćciem na " łučščiej ulicie" )) Ale oktiabŕskaja łučšaja viediet.
..U Kurapaty..na Akrieścina...
U lepšym vypadku..iak zausiedy ..u ..tak tak u ..upu