Łukašenka choča, kab biełaruskich alimpijcaŭ dapuścili pad niejtralnym ściaham
Adpaviednuju zajavu jon zrabiŭ, adkazvajučy na pytańni žurnalistaŭ na śviacie «Minskaja łyžnia — 2023».
«Niejtralny ściah, niejkija jašče dadatkovyja ŭmovy. Na vaš pohlad, što naohuł z hetaha dla nas prymalna?» — zadali jamu pytańnie.
«Dla nas nieprymalna nie ŭsio. Ale, znoŭ ža, uvažliva sačycie: maski skinutyja. MAK, Bach kazali ab tym, što my možam. Kali možam — prymajcie rašeńnie, — skazaŭ Łukašenka. — Reč siońnia nie ŭ simvałach, nie ŭ ściahach, nie ŭ himnach. Heta važna. Reč u chłopcach, jakija pryśviacili svajo žyćcio sportu. Jany ž kalečać losy ludziej. I Bach — jon ža vialiki spartoviec. Jon što, nie razumieje, što značyć pazbavić spartsmiena ŭdziełu? Prytym ni za što. Na roŭnym miescy. Jany bandyty, jany dzieści vajavali? Jany vychodzili na płošču i kryčali: «Davaj vajnu, davaj zabivaj»? Jany ž hetaha nie rabili. Pry čym tut jany?»
Bolš za 30 krain vystupaje suprać taho, kab spartoŭcy krainy-ahresarki Rasii i krainy-suahresarki Biełarusi ŭdzielničali ŭ Alimpijadzie-2024. Mižnarodny alimpijski kamitet prapanuje, kab spartoŭcy z Rasii i Biełarusi ŭdzielničali, ale pad niejtralnym ściaham.
U Biełarusi sport vykarystoŭvajecca dla prapahandy režymu, spartoŭcaŭ, jakija admaŭlajucca vystupać u padtrymku Alaksandra Łukašenki, represujuć. Sam Łukašenka ŭ parušeńnie alimpijskich normaŭ da 2021 hoda ŭznačalvaŭ Nacyjanalny alimpijski kamitet. Na hetaj pasadzie jaho źmianiŭ jaho starejšy syn Viktar.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary