Milicyjanty ŭ Homieli pierastali vydavać kopii administracyjnych pratakołaŭ
Homielskaja milicyja pierastała addavać kopii administracyjnych pratakołaŭ hramadzianam, zatrymanym pa «palityčnych» artykułach. Na takuju tendencyju źviarnuŭ uvahu vałancior Illa Mironaŭ, jaki paśla vychadu ź SIZA №3 niekalki razoŭ adbyvaŭ pakarańni pavodle narodnaha artykuła 19.11 č.2 (raspaŭsiudžvańnie ekstremisckich materyjałaŭ), piša «Štodzień».
8 śniežnia Illu ŭ čarhovy raz aryštavali za padpisku na FB-supolnaść «Śviatłana Cichanoŭskaja», na jakuju jon byŭ padpisany jašče z 2020 hoda. Tady jamu ŭpieršyniu nie vydali kopiju pratakoła. «Takoha raniej nikoli nie było. U dačynieńni da mianie z 2011 hoda było składziena mnoha pratakołaŭ — i kožny raz mnie vydavali kopii, ź jakimi ja navat znachodziŭsia ŭ IČU», — kaža Illa Mironaŭ.
Pa vychadzie ź IČU Illa čakaŭ, što jamu vyšluć kopiju pa pošcie, ale praz try miesiacy pratakoły znoŭ nie dajšli da adrasata. Tady jon napisaŭ skarhu na imia načalnika RAUS Savieckaha rajona. Milicyjanty, u svaju čarhu, u adkazie paraili nakont pratakoła źviarnucca ŭ sud, jaki jaho adpraviŭ na sutki.
«24 lutaha mnie patelefanavali z suda i paviedamili, što ja pavinien zapłacić u banku hrošy za vydaču kopij, a čeki prynieści ŭ kancylaryju. 27 lutaha paśla apłaty 11 rubloŭ 46 kapiejek ja atrymaŭ narešcie kopii pratakołaŭ, sutyknuŭšysia ź dziejańniami, jakija vyklikali marnavańnie resursaŭ jak fizičnych, tak i finansavych, nie kažučy pra niervovyja pieražyvańni», — padsumoŭvaje Illa. Pavodle hamielčuka, jaho siabry i blizkija, jakija apošnim časam prajšli praz represii, taksama nie atrymlivajuć kopii administracyjnych pratakołaŭ.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary