Demakratyčny lidar Biełarusi zaklikała śviet da terminovych zachadaŭ, kab natchnić biełarusaŭ na praciah baraćby.
«Kali ludzi ŭ Biełarusi bačać, što jany nie kinutyja, što na ich zvažajuć i nie zabyvajucca, heta nadaje im enerhii dla praciahu baraćby, — zajaviła Śviatłana Cichanoŭskaja ŭ intervju amierykanskamu telekanału PBS, piša «Pozirk».
Pavodle słoŭ Cichanoŭskaj, hałoŭnaj zadačaj zastajecca praviadzieńnie «novych svabodnych i spraviadlivych vybaraŭ».
Alaksandr Łukašenka, padkreśliła jana, «paŭnavartasny saŭdzielnik» Uładzimira Pucina ŭ ahresii suprać ukrainskaha naroda, jon «vykonvaje ŭsie zahady» prezidenta RF.
«Niama zadačy padzialić Pucina i Łukašenku. Na kartu pastaŭlena niezaležnaść našaj krainy. I mienavita Łukašenka pradaje niezaležnaść Pucinu. Tamu ja prašu našych partnioraŭ nie zaklučać nijakich ździełak z Łukašenkam, nie sprabavać vyratavać jaho. My prosim vyratavać Biełaruś ad Łukašenki», — skazała Cichanoŭskaja.
Cichanoŭskaja: Režymu patrebnyja nie ludzi, a pakorlivyja padatkapłacielščyki
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary