Miniust patrabuje ad advakataŭ paviedamlać pra klijentaŭ-zamiežnikaŭ
Zahadčyki jurkansultacyj pavinny padavać infarmacyju ab faktach zvarotu zamiežnych hramadzian (za vyklučeńniem hramadzian Rasijskaj Fiederacyi), jakija znachodziacca ŭ Respublicy Biełaruś. Takoje patrabavańnie idzie ad ministra justycyi Siarhieja Chamienki, paviedamiła ŭ liście staršynia Minskaj haradskoj kalehii advakataŭ Viera Areška. Hety list trapiŭ da advakackaha resursu defenders.by.
Ab pieradačy takoj infarmacyi Miniustu samomu klijentu-zamiežniku nieviadoma, jon nie daje piśmovaj zhody na heta.
U Ministerstva justycyi buduć paviedamlać imia, proźvišča, miesca rehistracyi, kantaktny telefon zamiežnaha hramadzianina.
«Usio heta składaje źviestki ab pryvatnym žyćci klijenta, adpaviedna, rasparadžeńniem ministra parušajecca nie tolki mižnarodna pryniaty pryncyp advakackaj tajamnicy, ale jašče i prava klijenta na pryvatnaje žyćcio. Padobnyja dziejańni advakataŭ pa pieradačy danych svaich klijentaŭ padryvajuć davier pamiž tymi, chto źviarnuŭsia pa jurdapamohu, i advakatami, a padobnyja dziejańni orhanaŭ kiravańnia — sam prestyž advakatury», — źviartaje ŭvahu defenders.by.
Mety i sposaby vykarystańnia atrymanaj infarmacyi ni Miniustam, ni MHKA nie abaznačajucca.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary