U Baranavičach pačaŭsia sud nad byłym dyrektaram ptuškafabryki «Družba». Praces zakryty
Sudovaje pasiadžeńnie pa spravie byłoha hiendyrektara i eks-sienatara Vasila Markieviča pačałosia ranicaj 29 sakavika. Jaho sudziać pa dźviuch častkach art. 430 Kryminalnaha kodeksa (atrymańnie chabaru), paviedamlaje Intex-press.by.
Sudovaje pasiadžeńnie prachodzić u zakrytym režymie.
Pieršaja infarmacyja ab zatrymańni na toj momant hiendyrektara AAT «Ptuškafabryka «Družba» Vasila Markieviča źjaviłasia ŭ lipieni 2022 hoda. Rabotniki pradpryjemstva raspaviadali, što kiraŭnika vyvieli ŭ kajdankach prosta z kabinieta, «niby za chabar».
Prykładna praź miesiac na dziaržTB vyjšaŭ siužet ab karupcyi ŭ sielskaj haspadarcy, u jakim paviedamlałasia, što adzin z kiraŭnikoŭ ptuškafabryki (proźvišča pry hetym nie nazyvałasia) «za łabiravańnie intaresaŭ pryvatnaj kampanii pry zaklučeńni dahavoraŭ atrymaŭ chabar u pamiery 6 500 dalaraŭ ZŠA».
U kancy kastryčnika minułaha hoda Saviet Respubliki Nacyjanalnaha schodu daterminova pazbaviŭ Vasila Markieviča statusu sienatara. A ŭ kancy listapada na «Družbu» pryznačyli novaha kiraŭnika.
Vasil Markievič uznačalvaŭ ptuškafabryku «Družba» z 2003 hoda. Jon uznaharodžany miedalom «Za pracoŭnyja zasłuhi», u 2012 hodzie byŭ udastojeny zvańnia «Hanarovy hramadzianin Baranavickaha rajona», a ŭ 2013-m — zvańnia «Zasłužany rabotnik sielskaj haspadarki Respubliki Biełaruś».
U 2016 hodzie Vasil Markievič byŭ udastojeny zvańnia «Čałaviek hoda» Bresckaj vobłaści, a ŭ 2018-m pryznany najlepšym kiraŭnikom siarod pradpryjemstvaŭ u halinie sielskaj haspadarki, pierapracoŭki sielskahaspadarčaj pradukcyi, absłuhoŭvańnia sielskaj haspadarki na Brestčynie. Abiraŭsia členam Savieta Respubliki šostaha i siomaha sklikańniaŭ.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary