U škołach budzie novy fakultatyŭ. Źviazany jon budzie z čyhunkaj
U škołach vyrašyli stvaryć jašče adzin fakultatyŭ — vučni zmohuć vyvučyć asablivaści pracy na čyhuncy. Vučebnuju prahramu zaniatkaŭ «Uvodziny ŭ prafiesiju čyhunačnaha transpartu» zaćvierdziła Minadukacyi. Pastanova viedamstva apublikavanaja ŭ čaćvier na Nacyjanalnym pravavym internet-partale, paviedamlaje «Sputnik».
Fakultatyŭ buduć pravodzić tolki ŭ 10-11 kłasach, prahrama raźličanaja na 70 hadzin (pa 35 u kožnym kłasie). Zaniatki raźličanyja na 1 hadzinu na tydzień. Meta hetaha dadatkovaha ŭroka asabliva prafiesijna-aryjentavanaja — «stvareńnie ŭmoŭ dla ŭśviadomlenaha vybaru prafiesii navučencami».
U raspracavanaj Ministerstvam adukacyi navučalnaj prahramie havorycca, što školniki pavinny atrymać ujaŭleńnie ab važnaści čyhunačnaha transpartu ŭ krainie, ab hruzavych i pasažyrskich pieravozkach, značnaści prafiesij na čyhuncy.
Staršakłaśnikam raskažuć ab zbudavańniach i pryładach čyhunačnaha transpartu, vahonach i łakamatyvach, elektrazabieśpiačeńni infrastruktury, praviłach biaśpieki, a taksama praviaduć prafaryjentacyjnuju hutarku-dyjałoh «jak vybrać prafiesiju, abo niekalki paradaŭ vypusknikam».
Dla navučencaŭ praduhledžanyja ŭ tym liku ekskursii i vyjaznyja zaniatki na abjektach Biełaruskaj čyhunki.
U škołach źjavicca fakultatyŭ pa chakiei
Z nastupnaha navučalnaha hoda ŭ Biełarusi ŭviaduć druhi abaviazkovy elemient školnaj formy
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary