U Šviejcaryi asudzili čaćviarych kiraŭnikoŭ filijała Hazprambanka, jakija adkryli rachunak «kašalku Pucina»
Čaćviora byłych kiraŭnikoŭ Ciurychskaha filijała Hazprambanka asudžanyja ŭ Šviejcaryi na siem miesiacaŭ turmy ŭmoŭna za niedastatkovyja pravierki pry adkryćci rachunkaŭ dla vijałančelista Siarhieja Rałduhina, jaki ličycca «kašalkom Pucina», piša Bi-bi-si.
Viadoma, što troje z asudžanych — rasijskija hramadzianie, čaćviorty — šviejcarac. Ich imiony pa šviejcarskich zakonach nie vydajucca. Usie majuć namier abskardzić prysud.
Rałduhin z 2014 da 2016 hoda ŭnios na rachunak 50 młn dalaraŭ, nie daŭšy jasnych tłumačeńniaŭ pachodžańnia srodkaŭ.
Sudździa ŭ Ciurychskim sudzie adznačyŭ, što ŭ suda nie zastałosia sumnievaŭ u tym, što Rałduhin nie byŭ sapraŭdnym uładalnikam hetych hrošaj. Kreml zaŭsiody admaŭlaŭ lubuju suviaź Pucina z hrašyma Rałduhina.
Pa šviejcarskich zakonach banki abaviazanyja admaŭlać u adkryćci rachunkaŭ abo zakryvać ich u vypadku padazreńniaŭ u dačynieńni da ŭładalnika rachunku abo krynicy hrošaj.
Rałduhin — chrosny baćka Maryi (apošni čas viadomaja pad proźviščam Varancova), starejšaj dački Pucina i jaho byłoj žonki Ludmiły Pucinaj (paśla razvodu źmianiła proźvišča na Ačaretnaja).
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary