Hiermanija dazvoliła Polščy pieradać piać samalotaŭ-źniščalnikaŭ Ukrainie
Urad Hiermanii aficyjna paćvierdziŭ, što daŭ Polščy dazvoł pieradać Ukrainie piać źniščalnikaŭ MiH-29, jakija kaliści naležali armii HDR.
«Rady abjavić, što my dazvolili našym polskim partnioram pastavić piać MiH-29 z byłych zapasaŭ armii HDR. My atrymali zapyt tolki siońnia. Ja vitaju toj fakt, što fiederalny ŭrad sumiesna pryniaŭ hetaje rašeńnie. Heta pakazvaje, što na Hiermaniju možna spadziavacca», — cytuje pres-słužba ŭrada Hiermanii ministra abarony Borysa Pistoryusa.
Pra toje, što Polšča paprasiła ŭ Hiermanii dazvoł pieradać samaloty, paviedamlałasia ŭ čaćvier u pačatku dnia. Hetyja samaloty naležali armii HDR, zatym Hiermanija pieradała ich Polščy i, jak kraina pachodžańnia hetaj vajskovaj techniki, pavinna była dać zhodu na jaje reekspart.
U sakaviku Polšča ŭžo pieradała Ukrainie čatyry MiHi, a prezident hetaj krainy Andžej Duda abviaściŭ, što nieŭzabavie budzie pieradadziena jašče niekalki samalotaŭ. Tady ž, u sakaviku, druhoj krainaj NATA, jakaja aficyjna pieradała Ukrainie bajavyja samaloty, stała Słavakija, jakaja abviaściła ab pieradačy ŭsich 13 svaich MiH-29.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary