Asudzili za pratesty troch čałaviek u Kruhłym. Siarod ich dziaŭčyna, jakoj nie davali lačycca
Sud Kruhlanskaha rajona asudziŭ adrazu troch čałaviek za ŭdzieł u akcyjach pratestu pavodle č. 1 art. 342 KK (Udzieł u dziejańniach, jakija hruba parušajuć hramadski paradak), piša «Viasna».
Sudździa Dźmitryj Sasnoŭski pryznačyŭ palitźniavolenaj Alinie Horavaj adzin hod «chatniaj chimii», Uładzisłavu Łahucienku i Alaksieju Cyhanavu — 2,5 hoda i 2 hady «chatniaj chimii» adpaviedna.
Alinu Horavu, u jakoj u turmie abvastrylisia prablemy sa zdaroŭjem, vyzvalili ŭ zale suda paśla dvuch miesiacaŭ źniavoleńnia. Dahetul jana stała sumnaviadomaj praz vyklučna nialudskaje ź joj abychodžańnie.
Paśla zatrymańnia praz žorstkija ŭmovy ŭ IČU ŭ Aliny abvastrylisia chraničnyja zachvorvańni nyrak i žanočych orhanaŭ. Uviečary 30 sakavika Alinie stała błaha, tamu joj vyklikali chutkuju dapamahu. Adnak siłaviki nie dazvolili špitalizavać zatrymanuju, a ŭ mahiloŭskaj turmie ŭ miedycynskaj dapamozie joj admovili, niahledziačy navat na drennyja analizy. Turemny doktar admoviŭsia lačyć jaje antybijotykami i špitalizavać.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary