Niekalki dziasiatkaŭ čałaviek pamiežniki nie puścili ŭ krainu — «Bajpoł»
Na biełaruskaj miažy ŭsio bolš dbajna praviarajuć ludziej, jakija zajazdžajuć u krainu. U čałavieka mohuć paprasić pakazać telefon, adskanavać zamiežny vid na žycharstva, niekatorych prosta na miažy zatrymlivajuć. A jość i tyja, kaho nie ŭpuskajuć u krainu. Pra heta «Lusterku» raskazaŭ pres-sakratar BYPOL Alaksandr Kabanaŭ.
— Viadoma jak minimum pra 20 takich vypadkaŭ. Šmat situacyj, kali čałavieku vystavić i niama čaho, ale niejkija da jaho asoby padazreńni ŭźnikajuć, tamu prymajecca rašeńnie nie puskać jaho ŭ Biełaruś. Pryčyn nie tłumačać, — kaža Alaksandr Kabanaŭ, ale kankretnych prykładaŭ z datami i punktami propusku nie pryvodzić. — Usia infarmacyja prychodzić nam u čat-boty, kali, naprykład, niechta na miažy naziraje, jak čałavieka abšukvajuć, advodziać kudyści, a praz čas jaho mašynu pavaročvajuć. Jość i tyja, chto sam nam pisaŭ, što pravieryli pašpart, hladzieli niejkuju bazu źviestak, a paśla apytańnia nie puścili ŭ krainu.
Kabanaŭ adznačaje, što sistemy ŭ hetych dziejańniaŭ niama, pravierki pravodziać «randomna».
— Idzie papiaredniaja padrychtoŭka da mahčymaha kanfliktu na miažy z Ukrainaj. Ciapier pamianiali načalnika Dziaržpahrankamiteta. Heta źviazanaje z tym, jak raźvivajucca padziei va Ukrainie i što adbyvajecca ŭ Biełharodskaj vobłaści. Siłaviki sprabujuć rychtavacca da taho ž scenara, što na terytoryju Biełarusi mohuć zachodzić abo DRH, abo inšyja asoby, — adznačaje jon. — Tamu praviarajuć telefony, vyvučajuć, jakija kantakty ŭ čałavieka jość, što jon hladzić. Praviarajuć pa svaich śpisach «ekstremistaŭ» siarod tych, chto ŭjazdžaje i vyjazdžaje. Usio adbyvajecca randomna, tamu što našy śpiecsłužby da takoj pracy nie vielmi pryvykli.
«Peŭnaja filtracyja kantynhientu». Cierciel rastłumačyŭ uzmocnieny kantrol i pravierki telefonaŭ na hranicy
Łukašenka: Zachad rychtuje siłavy scenar dla źmieny ŭłady ŭ Biełarusi
Łukašenka paškadavaŭ, što Rasija nie pajšła bolš maštabnaj vajnoj na Ukrainu ŭ 2014-2015 hadach
Jak padrychtavacca da pierachodu miažy? Raspytali ŭ tych, chto jaje niadaŭna prachodziŭ
Jak pierachodzić rasijskuju miažu? Parady daŭ Stryžak
Na miažy z Polščaj siłaviki praviarajuć telefony ŭ tych, chto vyjazdžaje ź Biełarusi
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary