Azaraŭ pytaje mierkavańnie hramadskaści: Ci treba ŭsich palityčnych i hramadskich lidaraŭ apazicyi prahaniać praz palihraf?
Kiraŭnik abjadnańnia byłych siłavikoŭ «Bajpoł» Alaksandr Azaraŭ źviarnuŭsia pa paradu da hramadskaści nakont pytańnia prachodžańnia palihrafa.
«Z majho punkta hledžańnia, supracoŭniki ŭsich apazicyjnych struktur, pačynajučy ź pieršych lidaraŭ i kiraŭnikoŭ, pavinny prachodzić takija sumoŭi na rehularnaj asnovie, kab paćviardžać svaju sumlennaść i adsutnaść suviaziaŭ sa strukturami śpiecsłužbaŭ režymaŭ Łukašenki i Pucina», — kaža Azaraŭ u zvarocie na kanale «Maja kraina Biełaruś».
Jon dadaje, što sam takoje testavańnie prachodzić dastatkova časta. Ale niekatoryja ŭ «Bajpoł» admaŭlajucca jaho rabić.
U suviazi z hetym Azaraŭ vyrašyŭ zapytać mierkavańnie hramadskaści:
«Ci praŭda treba nam usim, hramadskim dziejačam i palitykam, prachodzić štohod u ramkach davieru, pravierki sumlennaści i łajalnaści test na palihrafie?»
Svajo mierkavańnie možacie vykazać u kamientarach.
Raniej Azaraŭ raskazvaŭ, što palihraf prachodzili Taćciana Zareckaja, Alina Koŭšyk, Valer Kavaleŭski, Anastasija Kaściuhova, Valer Mackievič, Andrej Jahoraŭ, Jaŭhien Bury.
Pavieł Łatuška, naprykład, admaŭlaŭsia ad prachodžańnia palihrafa, bo nie vieryć tamu, chto budzie pravodzić hetuju pravierku. Palityk sumniavajecca, što infarmacyja, jakaja budzie dadzienaja ŭ jaje chodzie, zastaniecca tam, dzie jana pavinna być. Ale Łatuška paabiacaŭ prajści palihraf paśla viartańnia ŭ Biełaruś, kali heta budzie patrebna.
Da pakazańniaŭ palihrafa niekatoryja śpiecyjalisty staviacca sa skiepsisam.
Apytanka
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary